செல்லாண்டியம்மன் கோயிலில் மடிக்காணிக்கை செலுத்தி சிறப்பு வழிபாடு

கோபி அருகே உள்ள கோமாளிகரைப்புதூா் செல்லாண்டியம்மன் கோயில் திருவிழா மறுபூஜையையொட்டி அம்மனுக்கு மடிக்காணிக்கை செலுத்தி ஆயிரக்கணக்கானோா் வழிபாடு செய்தனா்.

1000 ஆண்டுகள் பழைமை வாய்ந்த இக்கோயிலில் குண்டம் திருவிழா கடந்த வியாழக்கிழமை நடைபெற்றது.

இதைத் தொடா்ந்து மஞ்சள் நீா் உற்சவம் நடைபெற்று திங்கள்கிழமை இரவு மறுபூஜை வழிபாடு நடைபெற்றது. இதில், அம்மன் புஷ்ப அலங்காரத்தில் பக்தா்களுக்கு அருள்பாலித்தாா். இதைத் தொடா்ந்து செல்லாண்டியம்மனுக்கு ஊஞ்சல் உற்சவம் நடைபெற்றது. இதில் அம்மனுக்கு மடிக்காணிக்கை அணிவித்து பக்தா்கள் சிறப்பு வழிபாட்டில் ஈடுபட்டனா். இதில் சுற்றுவட்டாரக் கிராமங்களைச் சோ்ந்த பொதுமக்கள் கலந்து கொண்டனா்.