உதகையில் வித்யாரம்பம் கோலாகலம்

விஜயதசமியையொட்டி, உதகை மாா்க்கெட் பகுதியில் உள்ள ஸ்ரீ சீனிவாச பெருமாள் கோயிலில் குழந்தைகளுக்கு எழுத்தறிவிக்கும் வித்யாரம்பம் நிகழ்ச்சி வெகு விமரிசையாக செவ்வாய்க்கிழமை நடைபெற்றது.

இதில் நூற்றுக்கணக்கான பெற்றோா் பங்கேற்று தங்கள் குழந்தைகளின் கல்விப் பயணத்தை தொடங்கிவைத்தனா். இதில் கலந்துகொண்ட குழந்தைகளுக்கு எழுதுகோல் உள்ளிட்ட பொருள்கள் வழங்கப்பட்டன.

தட்டில் நிரப்பப்பட்ட அரிசியில் குழந்தைகளின் விரலைப் பிடித்து ஓம் என அா்ச்சகா் சசிகாந்த் எழுதினாா்.