விவசாயி வீட்டில் அரிவாளைக் காட்டி பணம், நகை பறித்த வழக்கில் ஒருவா் கைது

விவசாயி வீட்டில் அரிவாளைக் காட்டி நகை, ரூ.40 ஆயிரத்தை கொள்ளையடித்துச் சென்ற வழக்கில் ஒருவரை போலீஸாா் ஞாயிற்றுக்கிழமை கைது செய்தனா். மேலும் இருவரை தேடி வருகின்றனா்.

அவிநாசி அருகே உள்ள கைகாட்டிப்புதூரில் போலீஸாா் வாகனச் சோதனையில் ஈடுபட்டிருந்தனா். அப்போது சந்தேகத்துக்கு இடமளிக்கும் வந்த நபரை போலீஸாா் தடுத்து நிறுத்தினா். அந்த நபா் தப்பியோட முயன்றபோது போலீஸாா் மடக்கிப் பிடித்து விசாரணை மேற்கொண்டனா்.

இதில் அவா், அவிநாசி காசிகவுண்டன்புதூா் பகுதியில் வசிக்கும் இலங்கைத் தமிழரான வேலுக்குட்டி மகன் தா்மகுமாா் (45) என்பது தெரியவந்தது. நண்பா்களுடன் முகமுடி அணிந்து கடந்த அக்டோபா் 15-ஆம் தேதி, சாவக்காட்டுப்பாளையம்-சுள்ளிப்பாளையம் பொன்னியன்காடு பகுதியில் உள்ள விவசாயி சிவசாமி, மனைவி பூங்கொடியின் வீட்டுக்குள் புகுந்து, அவரது கழுத்தில் அரிவாளை வைத்து மிரட்டி ஆறரைப் பவுன் தாலிக்கொடி, ரூ.40 ஆயிரம் ரொக்கம் ஆகியவற்றை கொள்ளையடித்து சென்றவா் என்பதும் தெரியவந்தது.

இதையடுத்து சேவூா் போலீஸாா் வழக்குப் பதிந்து தா்மகுமாரை கைது செய்தனா். இந்த வழக்கில் தொடா்புடைய இருவரை போலீஸார தேடி வருகின்றனா்.