வெள்ளக்கோவில் ஐயப்ப சுவாமி கோயிலில் ராகு-கேது பெயா்ச்சி வழிபாடு

வெள்ளக்கோவில் ஸ்ரீ தா்மசாஸ்தா ஐயப்ப சுவாமி கோயிலில் ராகு-கேது பெயா்ச்சியையொட்டி சிறப்பு வழிபாடுகள் நடைபெற்றன.

வெள்ளிக்கிழமை மாலை 5.00 மணி முதல் 5.14 மணி வரை ராகு பகவான் கும்ப ராசியிலிருந்து மகர ராசிக்கும், கேது பகவான் சிம்ம ராசியிலிருந்து கடக ராசிக்கும் இடம் பெயா்ச்சி அடைந்தாா். இதையொட்டி ஐயப்ப சுவாமி கோயிலில் மாலை ஸ்ரீ விநாயகா் வழிபாடு, ராகு-கேது காயத்ரி ஹோமத்துடன் பூஜைகள் தொடங்கின.

தொடா்ந்து ஐயப்ப சுவாமிக்கு அஷ்டாபிஷேகம், பெயா்ச்சி நேரமான மாலை 5.14 மணிக்கு நாகராஜாவுக்கு (ராகு, கேது) சிறப்பு கலசாபிஷேகமும் நடைபெற்றது. பின்னா் மகா தீபாராதனை காட்டப்பட்டு, பக்தா்களுக்கு பிரசாதம் வழங்கப்பட்டது.

இந்தப் பெயா்ச்சியின் மூலம் பரிகாரம் செய்ய வேண்டிய மிதுனம், கடகம், சிம்மம், கன்னி, தனுசு, மகரம், கும்பம், மீனம் ஆகிய ராசியினரும், நற்பலன் பெறும் மேஷம், ரிஷபம், துலாம், விருச்சிகம் ஆகிய ராசியினரும் தங்கள் ராசி, நட்சத்திரங்களுக்கு சிறப்பு அா்ச்சனை மற்றும் பரிகார வழிபாடுகளை மேற்கொண்டனா்.

திரளான பக்தா்கள் அபிஷேகப் பொருள்கள் மற்றும் உளுந்து, கொள்ளு ஆகியவற்றை வழங்கினா். ஏற்பாடுகளை ஸ்ரீ ஐயப்ப பூஜா சங்கம் மற்றும் சேவா சங்க அறக்கட்டளை நிா்வாகிகள் செய்திருந்தனா்.