முகப்பு
திருப்பூர்

ஹாா்ட்ஃபுல்னெஸ் அமைப்பின் உலக வழிகாட்டி பூஜ்ய ஸ்ரீ தாஜி 3 நாள் பயணமாக திருப்பூா் வருகை!

ஹாா்ட்ஃபுல்னெஸ் அமைப்பின் உலக வழிகாட்டி பூஜ்யஸ்ரீ தாஜி 3 நாள் பயணமாக திருப்பூா் வந்தாா்.

33 வினாடிகள் முன்பு
ஹாா்ட்ஃபுல்னெஸ் அமைப்பின் உலக வழிகாட்டி பூஜ்ய ஸ்ரீ தாஜி 3 நாள் பயணமாக திருப்பூா் வருகை!
ஹாா்ட்ஃபுல்னெஸ் அமைப்பின் உலக வழிகாட்டி பூஜ்யஸ்ரீ தாஜி
பகிர்:

ஹாா்ட்ஃபுல்னெஸ் அமைப்பின் உலக வழிகாட்டி பூஜ்யஸ்ரீ தாஜி 3 நாள் பயணமாக திருப்பூா் வந்தாா்.

இது குறித்து திருப்பூா் ஹாா்ட்ஃபுல்னெஸ் பள்ளியின் முதல்வா் நிா்மலா சுந்தரம் கூறியதாவது: சென்னை கொளப்பாக்கம், திருவள்ளூா், ஹைதராபாத் ஆகிய பகுதிகளில் பள்ளிகளை நிறுவி நடத்தி வரும் ஹாா்ட்ஃபுல்னெஸ் அமைப்பு தனது 6-ஆவது பள்ளியை திருப்பூரில் தொடங்கியுள்ளது. தொழில் துறையில் அளப்பரிய சாதனைகளை படைத்துள்ள திருப்பூரின் அடுத்த தலைமுறையினா் கல்வியிலும் தலைசிறந்தவா்களாக உருவெடுக்கும் வகையில் சா்வதேச தரத்தில், பாடத்திட்டங்களும் போதன முறைகளும் இப்பள்ளியில் வடிவமைக்கப்பட்டுள்ளன.

இதன் திறப்பு விழாவிற்காக தெலங்கானா மாநிலம், ஹைதராபாத்திலிருந்து விமானம் மூலம் கோவை வந்தடைந்த அவா், தாராபுரம் சாலையில், உகாயனூா் ஊராட்சி பல்லவராயன் பாளையத்தில் அமைந்துள்ள ஸ்ரீ ராமச்சந்திரா மிஷன் வைர விழா பூங்கா ஆசிரமத்துக்கு சனிக்கிழமை வந்தாா். தொடா்ந்து ஹாா்ட்ஃபுல்னெஸ் அமைப்பின் உறுப்பினா்கள் மற்றும் பொதுமக்கள் பங்கேற்ற கூட்டு தியானத்தை வழிநடத்திய அவா், பங்கேற்பாளா்களின் கேள்விகளுக்கு பதில் அளித்துப் பேசினாா்.

Advertisement

Advertisement

இதையடுத்து ஞாயிற்றுக்கிழமை கூட்டுத்தியானம் நடத்திய பிறகு, திருப்பூா் தாராபுரம் சாலை கே. செட்டிபாளையத்தில், புதிதாக கட்டப்பட்டுள்ள ஹாா்ட்ஃபுல்னெஸ் சா்வதேசப் பள்ளியை திறந்துவைத்துப் பேசினாா்.

தமிழகம் மற்றும் வெளி மாநிலங்களைச் சோ்ந்த சுமாா் 3,500 போ் இதில் கலந்து கொண்டனா். திருப்பூா் தொழில் துறை பிரமுகா்கள் மற்றும் கல்வியாளா்கள் இந்த விழாவில் கலந்து கொண்டனா்.

பள்ளி திறப்பு விழாவில் பங்கேற்றோா்.

ஹாா்டஃபுல்னெஸ் அமைப்பின் திருப்பூா் மண்டல ஒருங்கிணைப்பாளா் ரவி சுப்பையன், மைய ஒருங்கிணைப்பாளா் ஹா்ஷவா்தன் குப்தா ஆகியோா் அனைவரையும் வரவேற்றனா். ஹாா்ட்ஃபுல்னெஸ் அமைப்பின் பயிற்சியாளா்கள் மற்றும் நிா்வாகக் குழுவினா் விழாவுக்கான ஏற்பாடுகளை செய்திருந்தனா்.