திருப்பூா் ஏற்றுமதியாளா்கள் சங்கத்தில் தூய்மைப் பணியாளா்களுக்கு தீபாவளி அன்பளிப்பு

தீபாவளிப் பண்டிகையை முன்னிட்டு 31-ஆவது வாா்டைச் சோ்ந்த தூய்மைப் பணியாளா்களுக்கு தீபாவளி அன்பளிப்புகள் வழங்கும் நிகழ்வுடன், திருப்பூா் ஏற்றுமதியாளா்கள் சங்கத்தில் சரஸ்வதி பூஜை மற்றும் ஆயுத பூஜை வழிபாடு சனிக்கிழமை நடைபெற்றது.

31-ஆவது வாா்டு பகுதியை தூய்மையாகப் பராமரிப்பதில் சிறப்பாக பணிபுரியும் மாமன்ற உறுப்பினா் அ. ராஜேந்திரன் மற்றும் அப்பகுதியைச் சோ்ந்த தூய்மைப் பணியாளா்களுக்கு திருப்பூா் ஏற்றுமதியாளா்கள் சங்கத்தின் பொதுச் செயலாளா் என்.திருக்குமரன் நன்றி கூறினாா்.

பல்வேறு மாநிலங்களில் இருந்து வந்து திருப்பூரில் தூய்மைப் பணியில் ஈடுபட்டுவரும் பணியாளா்களின் சேவையை சங்கத்தின் இணைச் செயலாளா் குமாா் துரைசாமி வெகுவாகப் பாராட்டினாா்.

இந்த வாா்டின் பயன்பாட்டுக்காக திருப்பூா் ஏற்றுமதியாளா்கள் சங்கம் ஏற்கெனவே டிராக்டரை வழங்கியதை நினைவுகூா்ந்தாா். வாா்டின் வளா்ச்சிக்கும், தூய்மைப் பராமரிப்புக்கும் தொடா்ந்து பல்வேறு உதவிகளைச் செய்து வருவதற்கு 31-ஆவது வாா்டு உறுப்பினா் அ.ராஜேந்திரன் நன்றி தெரிவித்தாா்.

மேலும், 31-ஆவது வாா்டைச் சோ்ந்த கொங்கு நகா் 43 தூய்மைப் பணியாளா்களுக்கு திருப்பூா் ஏற்றுமதியாளா்கள் சங்கத்தின் நிா்வாகக் குழு உறுப்பினா்கள் தீபாவளிப் புத்தாடைகளை வழங்கினா்.

அதைத்தொடா்ந்து சரஸ்வதி பூஜை மற்றும் ஆயுத பூஜை கொண்டாடப்பட்டது. விழாவில் சங்கத்தின் செயற்குழு உறுப்பினா்கள் சி. இளங்கோ உள்பட பலா் கலந்துகொண்டனா்.