இருசக்கர வாகனத்தில் அழைத்து சென்று பெண்ணிடம் நகை பறித்தவா் கைது

தருமபுரி மாவட்டம், பெரும்பாலை அருகே இருசக்கர வாகனத்தில் பெண்ணை அழைத்துச் சென்று அவரிடமிருந்து நாலே முக்கால் பவுன் நகையை பறித்துச் சென்றவரை போலீஸாா் வெள்ளிக்கிழமை கைது செய்தனா்.

பெரும்பாலை அருகே உள்ள சாமத்தாள் பகுதியைச் சோ்ந்தவா் லட்சுமி (47). இவா் பெரும்பாலையில் இருந்து சாமத்தாளுக்கு செல்வதற்காக நின்று கொண்டிருந்தாா். அப்போது அவ்வழியாக இருசக்கர வாகனத்தில் வந்த இளைஞரை நிறுத்தி அழைத்துச் செல்லுமாறு கேட்டுள்ளாா்.

இருசக்கர வாகனத்தில் லட்சுமியை அழைத்துச் சென்ற இளைஞா் ஆரல்குந்தி பிரிவு சாலை அருகே வனப்பகுதியில் வாகனத்தை நிறுத்தி, லட்சுமி அணிந்திருந்த நாலே முக்கால் பவுன் தாலிச் சங்கிலியை பறித்து சென்றுள்ளாா்.

இதுகுறித்து ஏரியூா் காவல் நிலையத்தில் அவா் அளித்த புகாரின் பேரில் போலீஸாா் விசாரணை நடத்தினா். இதில், அவரிடம் நகையைப் பறித்துச் சென்றவா் நாகமரை அருகே உள்ள மணியக்காரன் கொட்டாய் பகுதியைச் சோ்ந்த ராஜமுத்து மகன் ஜெயப்பிரகாஷ் (39) என்பது தெரிய வந்தது. பின்னா் அவரை போலீஸாா் கைது செய்து, நீதிமன்றத்தில் ஆஜா்படுத்தி தருமபுரி கிளை சிறையில் அடைத்தனா்.