ஒகேனக்கல்லுக்கு 13,000 கனஅடிநீர் வரத்து

கர்நாடக அணைகளிலிருந்து தண்ணீர் திறந்து விடுவது குறைந்துள்ளதால் ஒகேனக்கல்லுக்கு புதன்கிழமை காலை 13 ஆயிரம் கன அடியாக நீர் வரத்து இருந்தது.
கர்நாடக மாநிலத்தில் மழை அளவு குறைந்துள்ளதால், அங்குள்ள அணைகளிலிருந்து திறக்கப்படும் உபரிநீரின் அளவு குறைக்கப்பட்டு வருகிறது. இந்நிலையில், புதன்கிழமை காலை நிலவரப்படிநொடிக்கு 13 ஆயிரம் கனஅடியாக ஒகேனக்கல்லுக்கு நீர் வந்து கொண்டிருக்கிறது.
மேலும்  ஒகேனக்கல்  வரும் சுற்றுலாப் பயணிகள் அருவிகளில் குளிப்பதற்கு 31ஆவது நாளாக மாவட்டநிர்வாகம் தடைவிதித்துள்ளது. 
கர்நாடக அணைகளிலிருந்து திறக்கப்படும் தண்ணீரின் அளவுகளை மத்திய நீர்வளத் துறை அதிகாரிகள் கண்காணித்து வருகின்றனர்.