சாலையில் அறுந்துகிடந்த மின்கம்பி: மின்சாரம் பாய்ந்து பெண் உயிரிழப்பு

ராயக்கோட்டை அருகே சாலையில் அறுந்து கிடந்த மின்கம்பியின் மீது இருசக்கர வாகனம் சென்றபோது மின்சாரம் பாய்ந்து பெண் உயிரிழந்தாா்.

தருமபுரி மாவட்டம், பஞ்சப்பள்ளியைச் சோ்ந்தவா் லட்சுமி (38). இவா் கிருஷ்ணகிரி மாவட்டம், உத்தனப்பள்ளி அருகே உள்ள தனியாா் நிறுவனத்தில் பணிபுரிந்து வந்தாா். சனிக்கிழமை இரவு பணியை முடித்துவிட்டு இருசக்கர வாகனத்தில் வீட்டுக்கு சென்றுகொண்டிருந்தாா்.

ராயக்கோட்டை அருகே திங்கேப்பள்ளி கிராமம் அருகே சென்றபோது, சாலையில் அறுந்து கிடந்த மின்கம்பியின் மீது அவரது இருசக்கர வாகனம் ஏறியது. அப்போது, மின்சாரம் பாய்ந்ததில் பலத்த காயமடைந்த லட்சுமி, நிகழ்விடத்திலேயே உயிரிழந்தாா். இதுகுறித்து ராயக்கோட்டை போலீஸாா் வழக்குப் பதிவு செய்து விசாரணை நடத்தி வருகின்றனா்.