நாளை நாமக்கல் கிழக்கு மாவட்ட திமுக செயற்குழுக் கூட்டம்

நாமக்கல் கிழக்கு மாவட்ட திமுக செயற்குழுக் கூட்டம் செவ்வாய்க்கிழமை (ஆக. 21) நடைபெறுகிறது.
இதுகுறித்து நாமக்கல் கிழக்கு மாவட்ட திமுக மாவட்ட பொறுப்பாளர் எஸ். காந்திசெல்வன் வெளியிட்ட அறிக்கை:
நாமக்கல் கிழக்கு மாவட்ட திமுக செயற்குழுக் கூட்டம் செவ்வாய்க்கிழமை மாலை 4 மணிக்கு மாவட்ட திமுக அலுவலகத்தில் நடைபெறுகிறது. கூட்டத்துக்கு மாவட்ட அவைத் தலைவர் ரா. உடையவர் தலைமை வகிக்கிறார். கூட்டத்தில் திமுக தலைவர் கருணாநிதி மறைவை முன்னிட்டு கோவையில் நடைபெறும் நினைவேந்தல் கூட்டம் தொடர்பாகவும்,  பாரதிதாசன் பாடல் ஒப்பித்தல் போட்டி நடத்துவது குறித்தும்,  வெள்ளத்தால் பாதிக்கப்பட்ட கேரள மக்களுக்கு நிவாரணம் வழங்குதல் தொடர்பாகவும் மற்றும் கட்சிப் பணிகள் குறித்தும் விவாதிக்கப்படவுள்ளன.
எனவே, இக் கூட்டத்தில் மாநில, மாவட்டக் கட்சி நிர்வாகிகள், தலைமை செயற்குழு, பொதுக்குழு உறுப்பினர்கள், முன்னாள் எம்எல்ஏக்கள், நகராட்சி, ஒன்றிய, பேரூராட்சி செயலர்கள், மாவட்ட அளவிலான சார்பு அணிகளின் அமைப்பாளர்கள் அனைவரும் தவறாமல் கலந்து கொள்ள வேண்டும்.