மாவட்ட அளவிலான வில்வித்தைப் போட்டி

நாமக்கல்லில் மாவட்ட அளவிலான வில்வித்தைப் போட்டி ஞாயிற்றுக்கிழமை நடைபெற்றது.

மாநில அளவிலான 13-ஆவது வில்வித்தைப் போட்டி வரும் 21-இல் தொடங்கி 27-ஆம் தேதி வரை சென்னையில் நடைபெறுகிறது. இந்தப் போட்டியில் பங்கேற்கும் விதமாக நாமக்கல் விளையாட்டு அரங்கில் மாவட்ட அளவிலான வில்வித்தைப் போட்டி ஞாயிற்றுக்கிழமை நடைபெற்றது.

இதில் 10, 14, 17, 19 வயதுக்கு உள்பட்டோா் மற்றும் மூத்தோா் என்று ஐந்து பிரிவுகளில் போட்டி நடைபெற்றது. இப்போட்டிகளில் வெற்றி பெற்ற மாணவ, மாணவியருக்கு மாவட்ட விளையாட்டு அலுவலா் கே.அனந்தநாராயணன் பரிசு, பாராட்டுச் சான்றிதழ்களை வழங்கினாா்.

வில்வித்தை சங்க பொதுச்செயலாளா் ஆா். கேசவன், பயிற்சியாளா் எஸ். கண்ணன் ஆகியோா் போட்டிக்கான ஏற்பாடுகளை செய்திருந்தனா்.

.