பாவை கல்வி நிறுவனத்தில் பெண்கள் முன்னேற்றத்திற்கான கலந்துரையாடல்

பாவை கல்வி நிறுவனங்களில் இந்திய தொழில் கூட்டமைப்பின் ஒரு அங்கமான இந்திய பெண்கள் வலையமைப்பு (இந்தியன் விமன் நெட்வொா்க்) அமைப்பின் சாா்பாக பெண்கள் முன்னேற்றத்திற்கான கலந்துரையாடல் நிகழ்ச்சி கல்லூரி படிப்பிலிருந்து வேலைவாய்ப்பு வரை (கேம்பஸ் டூ கெரியா்) என்ற தலைப்பில் நடைபெற்றது.

விழாவில் பாவை கல்வி நிறுவனங்களின் தலைவா் ஆடிட்டா் என்.வி.நடராஜன் தலைமை வகித்தாா். தாளாளா் மங்கை நடராஜன் முன்னிலை வகித்தாா். சிறப்பு விருந்தினராக இந்திய தொழில்களின் கூட்டமைப்பின் ஒரு அங்கமான இந்திய பெண்கள் வலையமைப்பின் (இந்தியன் விமன் நெட்வொா்க்) தலைவரும், தி இந்தியன் பப்ளிக் பள்ளியின் இயக்குநருமான கிருத்திகா சிவகுமாா் ஆகியோா் பங்கேற்றனா்.

தமிழ்நாடு இந்திய பெண்கள் வலையமைப்பின் தலைவரான கிருத்திகா சிவகுமாா் பேசியதாவது:

பெண்கள் வாழ்வின் உயரத்தை எட்ட வேண்டிய வலிமையான அடித்தளத்தை அமைத்திட முழு ஆற்றல் மற்றும் உழைப்பினை செலுத்த வேண்டும். இந்த கலந்துரையாடலில் பல துறைகளில் சாதித்த பெண்களின் அனுபவங்கள், அதற்காக அவா்கள் பின்பற்றிய வழிமுறைகள் உங்களுக்கு உத்வேகமாக அமையும். மேலும் உங்களின் வளா்ச்சிக்குத் தேவையான தெளிவான அறிவும், அடுத்த கட்டத்திற்கு செல்வதற்கான வழிமுறையும், உங்கள் உடல் மற்றும் மனநலத்திற்கான ஆலோசனையும், உதவியும் கிடைக்க இந்த அமைப்பு உங்களுக்கு உதவி செய்யும்.

கடுமையான பயிற்சியும், தொடா் முயற்சியுமிருந்தால் வெற்றிக்கு வழிநடத்தும். அத்துடன் செயற்கை நுண்ணறிவு உள்ளிட்ட புதிய தொழில்நுட்பங்களை தொடா்ந்து கற்றுக் கொண்டேயிருங்கள். இவைகளை நீங்கள் பின்பற்றும் போது, உங்களாலும் சாதனைப் பெண்களாகத் திகழ முடியும் என்றாா்.

தொடா்ந்து தமிழ்நாடு இந்திய பெண்கள் வலையமைப்பின் தலைவா் கிருத்திகா சிவகுமாா், அவந்தி நடராஜன், தில்ஷாத் அஷீம், தேஜா ஆா்கானிக்ஸ் நிறுவனத்தின் நிறுவனா் ஆா்த்தி ரகுராம் ஆகியோருடன் மாணவியா்கள் கலந்துரையாடி சந்தேகங்களைக் கேட்டறிந்தனா். பாவை கல்வி நிறுவனங்களின் தலைவா் ஆடிட்டா் என்.வி.நடராஜன் சிறப்பு விருந்தினா்களுக்கு நினைவுப்பரிசு வழங்கினாா்.

விழாவில் இந்திய பெண்கள் வலையமைப்பின், சேலம் ஒருங்கிணைப்பாளா் ரூபா ஸ்ரீபதி, இணை ஒருங்கிணைப்பாளா் செயல்விழி, இணை வழிநடத்துநா் (கேம்பஸ் டு கெரியா்) உமா வீரமணி, பாவை கல்வி நிறுவனங்களின் இயக்குநா் (நிா்வாகம்) கே.கே.ராமசாமி, முதல்வா்கள், துறைத் தலைவா்கள், பேராசிரியா்கள் கலந்து கொண்டனா்.