வீட்டின் பூட்டை உடைத்து 5 பவுன் நகை, ரூ.30 ஆயிரம் திருட்டு

பரமத்தி வேலூா் அருகே வீட்டின் பூட்டை உடைத்து 5 பவுன் தங்க நகை மற்றும் ரூ.30 ஆயிரம் ரொக்கத்தை திருடிச் சென்ற மா்ம நபா்கள் குறித்து வேலூா் போலீஸாா் வழக்குப்பதிவு செய்து விசாரணை நடத்தி வருகின்றனா்.

பரமத்தி வேலூா் வட்டம், பாண்டமங்கலம் அருகே உள்ள கோப்பணம்பாளையத்தைச் சோ்ந்தவா் குணசேகரன் (46). இவா் கரூா் மாவட்டம், புகளூா் தமிழ்நாடு காகித ஆலையில் ஒப்பந்தத் தொழிலாளியாக வேலை பாா்த்து வருகிறாா். இவருக்கு திருமணம் ஆகாததால் இவா் மட்டும் தனியாக வசித்து வருகிறாா்.

இவா் செவ்வாய்க்கிழமை இரவு பணிக்கு சென்று விட்டு புதன்கிழமை காலை வீடு திரும்பினாா். அப்போது வீட்டின் பூட்டு உடைக்கப்பட்டு இருந்தது. வீட்டிற்குள் சென்று பாா்த்தபோது பீரோவில் இருந்த 5 பவுன் தங்க நகை மற்றும் ரூ.30 ஆயிரம் ரொக்கத்தை மா்ம நபா்கள் திருடிச் சென்றது தெரியவந்தது. இது குறித்து குணசேகரன், வேலூா் காவல் நிலையத்தில் புகாா் அளித்தாா். அதன்பேரில் வேலூா் காவல் ஆய்வாளா் உமாசங்கா் சம்பவ இடத்திற்கு சென்று பாா்வையிட்டு நகை மற்றும் பணத்தை திருடிச் சென்ற மா்ம நபா்கள் குறித்து வழக்குப்பதிவு செய்து விசாரணை நடத்தி வருகிறாா்.