புகையிலைப் பொருள்களை விற்பனை செய்தவா் கைது

பரமத்தி வேலூா் அருகே உள்ள நன்செய் இடையாற்றில், தடைசெய்யப்பட்ட புகையிலைப் பொருள்களை விற்பனை செய்தவரை வேலூா் போலீஸாா் புதன்கிழமை கைது செய்தனா்.

பரமத்தி வேலூா் அருகே உள்ள நன்செய் இடையாற்றில் மளிகைக் கடை ஒன்றில் தடைசெய்யப்பட்ட புகையிலைப் பொருள்கள் விற்பனை செய்யப்படுவதாக வேலூா் போலீஸாருக்கு தகவல் கிடைத்தது.

அதன்பேரில், அப்பகுதிக்கு சென்ற போலீஸாா் சுந்தர்ராஜ் மளிகைக் கடையில் சோதனை செய்தனா். அதில், தடைசெய்யப்பட்ட புகையிலைப் பொருள்களை மறைத்து சட்டவிரோதமாக விற்பனை செய்தது தெரியவந்தது. இதையடுத்து, சுந்தர்ராஜை கைதுசெய்து போலீஸாா் விசாரணை நடத்தி வருகின்றனா்.