பரமத்தி வேலூரில் காணாமல் போனவா் கிணற்றில் சடலமாக மீட்பு

பரமத்தி வேலூா் பஞ்சமுக விநாயகா் கோவில் அருகே வசித்து வந்தவா் சரவணன் (50). இவரது மனைவி பிரீத்தி. இவா்களுக்கு ஒரு மகன், ஒரு மகள் உள்ளனா். சரவணன் தினமும் மது அருந்திவிட்டு வீட்டுக்கு வந்துள்ளாா்.

தொடா்ந்து மது போதைக்கு அடிமையாகி இருந்துள்ளாா். இதன் காரணமாக சரவணனை அவரது குடும்பத்தினா் போதை மறுவாழ்வு மையத்தில் சோ்த்துள்ளனா். அவா் அங்கு ஆறு மாதங்களாக சிகிச்சை பெற்று வந்துள்ளாா். கடந்த சில தினங்களுக்கு முன்பு சரவணனை அவரது குடும்பத்தினா் மறுவாழ்வு மையத்தில் இருந்து வீட்டிற்கு அழைத்து வந்திருந்தனா்.

இந்த நிலையில் வெள்ளிக்கிழமை வீட்டில் இருந்த சரவணனை திடீரென காணவில்லை. அவரை சரவணனின் குடும்பத்தினா் பல்வேறு இடங்களில் தேடியுள்ளனா். எங்கும் கிடைக்கவில்லை. இந்த நிலையில் வேலூா் பஞ்சமுக விநாயகா் கோவில் பின்புறம் உள்ள ஒரு கிணற்றில் அடையாளம் தெரியாத ஒருவா் இறந்து கிடப்பதாக வேலூா் போலீசாருக்கு தகவல் கிடைத்தது.

தகவல் அறிந்து அங்கு சென்ற போலீசாா் தீயணைப்பு துறையினா் உதவியுடன் அவரது உடலை மீட்டு வேலூா் அரசு மருத்துவமனையில் சோ்த்து விசாரணை நடத்தினா். விசாரணையில் அவா் காணாமல் போன சரவணன் என்பது தெரியவந்தது.

அதனையடுத்து கிராம நிா்வாக அலுவலா் வசந்தி அளித்த புகாரின் அடிப்படையில் வேலூா் போலீசாா் வழக்கு பதிவு செய்து அவரது உடலை பிரேத பரிசோதனைக்காக வேலூா் அரசு மருத்துவமனையில் சோ்த்தனா். மேலும் சரவணன் கிணற்றில் விழுந்து தற்கொலை செய்து கொண்டாரா, அல்லது கிணற்றில் தவறி விழுந்து இறந்தாரா என்பது குறித்து விசாரணை நடத்தி வருகின்றனா்.