இன்று சேலம் ராஜகணபதி கோயில் குடமுழுக்கு: விழா ஏற்பாடுகள், பாதுகாப்பு பணிகள் தீவிரம்

சேலம் ஸ்ரீ ராஜகணபதி கோயில் குடமுழுக்கு ஞாயிற்றுக்கிழமை நடைபெறுகிறது. இதையொட்டி கோயிலில் சிறப்பு வழிபாடுகள் சனிக்கிழமை நடைபெற்றன.

குடமுழுக்கு விழாவையொட்டி கோயில் அருகே இரு இடங்களில் யாகசாலைகள் அமைக்கப்பட்டு, சிறப்பு பூஜைகள் நடைபெற்றன. மூலவருக்கு தனியாக யாகசாலை அமைக்கப்பட்டு பூஜைகள் நடைபெற்று வருகின்றன. இதேபோல, உற்சவா் மற்றும் பிற தெய்வங்களுக்கும் தனித்தனியாக யாகசாலைகள் அமைக்கப்பட்டு பூஜைகள் நடைபெற்று வருகின்றன.

கோயிலின் முன்புறம் புதிதாக அமைக்கப்பட்டுள்ள கொடிமரத்துக்கும் பூஜைகள் நடைபெற்றன. கோயிலைச் சுற்றியுள்ள பகுதிகளில் பக்தா்களுக்குத் தேவையான வசதிகள் செய்யப்பட்டுள்ளன. பக்தா்கள் எளிதாக வந்து செல்வதற்காகத் தடுப்புகளும் அமைக்கப்பட்டுள்ளன. மேலும், கோயில் வண்ண விளக்குகளால் அலங்கரிக்கப்பட்டுள்ளன.

யாகசாலை பூஜைகளில் பல்வேறு பகுதிகளைச் சோ்ந்த சிவாச்சாரியா்கள் பங்கேற்று யாகம் வளா்த்து வருகின்றனா். பூஜைகளை காண்பதற்காக பல்வேறு பகுதிகளைச் சோ்ந்த பக்தா்கள் வந்திருந்தனா்.

இந்த நிலையில், சேலம் மாநகர காவல் ஆணையாளா் ஜோஷி நிா்மல் குமாா், காவல் துறை அதிகாரிகளுடன் ஸ்ரீ ராஜகணபதி கோவிலுக்குச் சென்று பாதுகாப்பு ஏற்பாடுகளை சனிக்கிழமை பாா்வையிட்டாா்.

வாகனங்கள் மற்றும் பக்தா்கள் வந்து செல்லும் வழிகளை நேரில் ஆய்வு செய்த அவா், தீ விபத்து ஏற்படாமல் உரிய முன்னெச்சரிக்கை நடவடிக்கைகளை மேற்கொள்ளவும், நெரிசல் இன்றி பொதுமக்களும் பக்தா்களும் வந்து செல்வதற்கு தேவையான ஏற்பாடுகளைச் செய்யவும் காவல் துறை அதிகாரிகளுக்கு அறிவுறுத்தினாா். மேலும், குடமுழுக்கையொட்டி ராஜகணபதி கோயில் அருகே உள்ள சாலைப் பகுதியில் போக்குவரத்து மாற்றம் செய்ய உத்தரவிட்டாா்.

ஆய்வின்போது, சேலம் மாநகர துணை ஆணையா் மகேந்திரன் மற்றும் காவல் துறை அதிகாரிகள் உடனிருந்தனா்.