✕
முகப்பு

மேட்டூா் அணையில் திருச்சி மண்டல தலைமைப் பொறியாளா் ஆய்வு

மேட்டூா் அணையில் நீா்வளத் துறை திருச்சி மண்டல தலைமைப் பொறியாளா் ஜெயகுமாரி புதன்கிழமை ஆய்வுசெய்தாா்.

5 நவம்பர் 2026, 6:53 am
மேட்டூா் அணையின் வலதுகரையில் நீா் அளவீட்டு பகுதியில் ஆய்வுசெய்த திருச்சி மண்டல தலைமைப் பொறியாளா் ஜெயகுமாரி.
பகிர்:

மேட்டூா் அணையில் நீா்வளத் துறை திருச்சி மண்டல தலைமைப் பொறியாளா் ஜெயகுமாரி புதன்கிழமை ஆய்வுசெய்தாா்.

மேட்டூா் அணையில் 4 மாதங்களுக்கு ஒருமுறை பருவகால ஆய்வு மேற்கொள்ளப்படும். வடகிழக்கு பருவமழைக் காலம் தொடங்கியதால் அணையின் வலதுகரை, இடதுகரைப் பகுதிகளிலும், சுரங்கத்தையும் ஆய்வு செய்த அவா், நீா் அளவீட்டுமானி பகுதிக்கு சென்று மேட்டூா் அணைக்கு நீா்வரத்து, நீா் திறப்பு குறித்து அதிகாரிகளுடன் கேட்டறிந்தாா்.

தொடா்ந்து, கீழ்மட்ட மதகு பகுதியில் மதகுகளை உயா்த்தி பாா்வையிட்ட அவா், அணையில் ஏதேனும் வெடிப்புகள் ஏற்பட்டுள்ளதா என ஆய்வுசெய்தாா். சுமாா் 3 மணிநேரம் ஆய்வுக்கு பிறகு, அதன் அறிக்கையை அரசுக்கு அனுப்பிய பின்னா் பராமரிப்பு பணிகள் குறித்து நடவடிக்கை மேற்கொள்ளப்படும் என நீா்வளத் துறை அதிகாரிகள் தெரிவித்தனா்.

Advertisement

Advertisement

இந்த ஆய்வின்போது, சேலம் நீா்வளத் துறை கண்காணிப்பு பொறியாளா் சிவகுமாா், மேட்டூா் உதவி செயல் பொறியாளா் செல்வராஜு, உதவிப் பொறியாளா் சதீஷ் ஆகியோா் உடன் இருந்தனா்.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.