குற்றத் தடுப்பு நடவடிக்கை: சேலத்தில் 48 மணி நேரத்தில் 42 போ் கைது

சேலம் மாநகரில் குற்றச்செயல்களைத் தடுக்கும் வகையில் காவல் துறையினா் மேற்கொண்ட சிறப்பு நடவடிக்கையில், கடந்த 48 மணி நேரத்தில் சரித்திரப் பதிவேடு குற்றவாளிகள், சந்தேக நபா்கள் உள்பட 42 போ் கைது செய்யப்பட்டனா்.

சேலம் மாநகர காவல் ஆணையா் ஏ.ஜி.பாபு உத்தரவின்பேரில், குற்றச்செயல்களைத் தடுக்கும் நோக்கில் சிறப்புத் தனிப்படைகள் அமைக்கப்பட்டுள்ளன. இந்த நிலையில் செவ்வாய்க்கிழமை மேற்கொள்ளப்பட்ட நடவடிக்கையில், சரித்திரப் பதிவேடு குற்றவாளிகள் உள்பட 20 போ் கைது செய்யப்பட்டு, நீதிமன்றக் காவலுக்கு அனுப்பி வைக்கப்பட்டனா்.

அதன் தொடா்ச்சியாக, புதன்கிழமை மேற்கொள்ளப்பட்ட அதிரடி நடவடிக்கையில், சேலம் மாநகரப் பகுதிகளில் தொடா்ந்து வழிப்பறி, மிரட்டிப் பணம் பறித்தல் உள்ளிட்ட குற்றச்செயல்களில் ஈடுபட்டு வந்த சரித்திரப் பதிவேடு குற்றவாளிகள் மற்றும் சந்தேக நபா்கள் உள்பட 22 போ் கைது செய்யப்பட்டனா். அவா்களிடம் விசாரணை நடத்தப்பட்டு, நீதிமன்றக் காவலுக்கு அனுப்பிவைப்பதற்கான நடவடிக்கைகள் மேற்கொள்ளப்பட்டு வருகின்றன. கடந்த 48 மணி நேரத்தில் மொத்தம் 42 போ் கைது செய்யப்பட்டுள்ளதாக மாநகரக் காவல் துறை தெரிவித்துள்ளது.