ஒட்டன்சத்திரம் அருகே லாரி- பைக் மோதல்: விவசாயி சாவு

ஒட்டன்சத்திரம் அருகே லாரியும், மோட்டார் சைக்கிளும் மோதிக்கொண்டதில் விவசாயி சம்பவ இடத்திலேயே உயிரிழந்தார்.
ஒட்டன்சத்திரம் அடுத்துள்ள சின்னமண்டவாடியைச் சேர்ந்த விவசாயி தங்கராஜ் (42). இவர் புதன்கிழமை டி.கே.புதூரில் உள்ள மனைவி சுமதியை அழைத்து வர மோட்டார் சைக்கிளில் சென்றார். ஒட்டன்சத்திரம்- தாராபுரம் சாலையில் வீரமுத்து சாலை அருகே சென்ற போது எதிரே வந்த லாரி, மோட்டார் சைக்கிள் மீது மோதியதில் சம்பவ இடத்திலேயே தங்கராஜ்  உயிரிழந்தார். இதுகுறித்து அம்பிளிக்கை காவல் நிலைய போலீஸார் வழக்குப் பதிந்து லாரி ஓட்டுநர் உத்தமபாளையம் கோகிலாபுரத்தைச் சேர்ந்த வீரபாண்டியை  (24) கைது செய்து விசாரணை நடத்தி வருகின்றனர்.