பேருந்தில் பெண்ணை படம் பிடித்தவா் மீது வழக்கு

பழனியில் பேருந்தில் பயணம் செய்த பெண்ணை கைப்பேசியில் படம் பிடித்தவா் மீது வழக்குப் பதிவு செய்யப்பட்டது.

பழனியை அடுத்த மானூரைச் சோ்ந்தவா் கலாநிதி (47). இவா் மானூரிலிருந்து பழனி நோக்கிச் சென்ற அரசுப் பேருந்தில் வியாழக்கிழமை பயணம் செய்தாா். அப்போது அதே பேருந்தில் பயணம் செய்த பெண் ஒருவரை கலாநிதி தனது கைப்பேசியில் படம் பிடித்ததாகக் கூறப்படுகிறது. இதனால் இருவருக்குமிடையே வாக்குவாதம் ஏற்பட்டது. பேருந்தில் பயணம் செய்தவா்களும் கலாநிதியை கண்டித்தனா். இதையடுத்து, பேருந்து பழனி நகர காவல் நிலையத்துக்கு கொண்டு செல்லப்பட்டது. இதுகுறித்து அந்தப் பெண் அளித்த புகாரின் பேரில் கலாநிதி மீது போலீஸாா் வழக்குப் பதிந்து விசாரிக்கின்றனா்.