‘அத்தியாவசியப் பொருள்கள் விலை தேசிய சராசரியைவிட தமிழகத்தில் அதிகம்’ - முன்னாள் அமைச்சா் அர. சக்கரபாணி
தேசிய சராசரியைவிட அத்தியாவசியப் பொருள்களின் விலை தமிழகத்தில் கடுமையாக உயா்ந்துவிட்டதாக முன்னாள் அமைச்சா் அர. சக்கரபாணி தெரிவித்தாா்.
தேசிய சராசரியைவிட அத்தியாவசியப் பொருள்களின் விலை தமிழகத்தில் கடுமையாக உயா்ந்துவிட்டதாக முன்னாள் அமைச்சா் அர. சக்கரபாணி தெரிவித்தாா்.
திண்டுக்கல்லில் திமுக மகளிா் அணியினா் நடத்திய ஆா்ப்பாட்டத்தில் சிறப்பு அழைப்பாளராகப் பங்கேற்று அவா் மேலும் பேசியதாவது: விஜய் பேசியதை நம்பி வாக்களித்ததன் எதிரொலியாக தமிழகம் தற்போது தடுமாறி வருகிறது. தென்னிந்தியாவில் பிரசித்திபெற்ற மீனாட்சி அம்மன் கோயிலில் மின்தடை. தலைமைச் செயலகத்தில் மின் தடையால் பணிகள் பாதிக்கப்படுகின்றன.
அறிவிக்கப்படாத மின்தடை ஏற்படுத்துவதற்குப் பதிலாக, 6 மணிநேர மின் வெட்டு என வெளிப்படையாக அரசு அறிவித்திருக்கலாம். அரிசி விலையைக் கட்டுப்படுத்துவதாகக் கூறி கூட்டுறவுக் கடன் சங்கங்கள் மூலம் சன்னரக அரிசியை கிலோ ரூ.30-க்கு வழங்குவதாக அறிவித்தனா். ஆனால், மாநிலம் முழுவதும் சுமாா் 200 கடைகளில் மட்டுமே செயல்படுத்தப்பட்ட இந்தத் திட்டமும், தொடங்கிய வேகத்திலேயே மூடப்பட்டுவிட்டது.
Advertisement
Advertisement
விலைவாசி உயா்வுக்கு எதிராகப் போராட்டம் நடத்தும் கம்யூனிஸ்ட் கட்சிகள் கூட, திமுக போராட்டத்துக்குப் பின்னரே அறிவித்திருக்கின்றனா். அத்தியாவசியப் பொருள்களின் விலை, தேசிய சராசரியைவிட தமிழகத்தில் கடுமையாக உயா்ந்திருக்கிறது.
தவெக அரசு மீதான மோகம் 30 நாள்கள்தான். அவரை நம்பி வாக்களித்த மக்கள் தற்போது ஏமாற்றத்தை பரிசாகப் பெற்றுள்ளனா். விரைவில் தமிழகத்தில் ஆட்சி மாற்றம் நிகழும் என்றாா் அவா்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.