பட்டூர் இளைஞர் கொலை வழக்கில் மேலும் ஒருவர் கைது

மேலூர்  அருகே  விடுதலைச் சிறுத்தைகள் அமைப்பைச் சேர்ந்தவர் கொலை வழக்கில் மேலும் ஒருவரை தனிப்படை போலீஸார் ஞாயிற்றுக்கிழமை கைதுசெய்தனர்.  
பட்டூரைச் சேர்ந்த விடுதலைச் சிறுத்தைகள் கட்சிப் பிரமுகர் மணிகண்டன் மகன் சபரீஸ்வரன் (21). டிராக்டர் ஓட்டுநரான இவரை, கடந்த செவ்வாய்க்கிழமை ஒரு கும்பல் கொலை செய்தது. இதுதொடர்பான வழக்கில் தனிப்படை போலீஸார் மூவரைக் கைது செய்துள்ளனர். இந்நிலையில்  பட்டூரை அடுத்துள்ள கணக்கம்பட்டியைச் சேர்ந்த சுந்தரம் மகன் சரண்ராஜ் (26) என்பவரைக் ஞாயிற்றுக்கிழமை போலீஸார் கைது செய்தனர்.