மாநகராட்சி 60,61-ஆவது வார்டுகளுக்கு நாளை சிறப்பு முகாம்

மதுரை மாநகராட்சி 60,61-ஆவது வார்டுகளுக்கான சிறப்பு முகாம் அவனியாபுரம் பேருந்து நிலையம் அருகே உள்ள வார்டு அலுவலகத்தில் வியாழக்கிழமை (டிச. 20) நடைபெறும் என மாநகராட்சி ஆணையர் அனீஷ் சேகர் தெரிவித்துள்ளார்.
 குடிநீர், பாதாளச் சாக்கடை இணைப்பு, புதிய வரிவிதிப்பு, சொத்து வரி பெயர் மாற்றம், காலிமனை வரி, தொழில் உரிமம்,  தொழில் வரி ஆகியவற்றுக்கு முகாமில் உரிய ஆவணங்களுடன் விண்ணப்பித்து அங்கேயே கட்டணம் செலுத்தி உடனுக்குடன் உத்தரவுகளைப் பெற்றுச் செல்லலாம். ஆகவே, இந்த வாய்ப்பை மேற்குறிப்பிட்ட இரு வார்டுகளைச் சேர்ந்த பொதுமக்கள் பயன்படுத்திக் கொள்ளுமாறு கேட்டுக் கொண்டுள்ளார்.