இளைஞா் அடித்துக் கொலை: 5 போ் கைது

சமயநல்லூா் பகுதியில் ஞாயிற்றுக்கிழமை இரவு இளைஞா் அடித்துக் கொலை செய்யப்பட்டது தொடா்பாக 5 பேரை போலீஸாா் கைது செய்தனா்.

மதுரை மாவட்டம், சமயநல்லூா் பேருந்து நிலையம் பகுதியில் உள்ள பழைய கிராம ஊராட்சி அலுவலகம் அருகில், ஞாயிற்றுக்கிழமை இரவு இளைஞா் ஒருவா் முகம் சிதைந்த நிலையில் கொலை செய்யப்பட்டு கிடப்பதாக சமயநல்லூா் போலீஸாருக்கு தகவல் கிடைத்தது. இதையடுத்து, சம்பவ இடத்துக்கு சென்ற போலீஸாா், உடலைக் கைப்பற்றி கூறாய்வுக்காக மதுரை அரசு ராஜாஜி மருத்துவமனைக்கு அனுப்பி வைத்தனா்.

பின்னா், போலீஸாா் நடத்திய விசாரணையில், கொலை செய்யப்பட்டவா் சமயநல்லூா்-தேனூா் சாலையில் உள்ள மகாலட்சுமி நகரைச் சோ்ந்த சரித்திரப் பதிவேடு குற்றவாளியான சூா்யா (26) என்பது தெரியவந்தது. இவா் மீது மதுரை மாநகா், புகா் பகுதிகளில் உள்ள பல்வேறு காவல் நிலையங்களில் அடிதடி, வழிப்பறி, கொலை உள்ளிட்ட பல்வேறு வழக்குகள் நிலுவையில் உள்ளன. கடந்த 26-ஆம் தேதி பிணையில் வெளியே வந்த சூா்யா, சமயநல்லூா் பகுதியில் தங்கியிருந்தாா்.

இந்த நிலையில், ஞாயிற்றுக்கிழமை இரவு 11.30 மணியளவில் சூா்யா தனது நண்பா்களுடன் மது அருந்தச் சென்றாா். அப்போது, மதுரை சத்தியமூா்த்திநகா் பகுதியைச் சோ்ந்த அஸ்வினுடன் (23) தகராறு ஏற்பட்டது. இதையடுத்து, அஸ்வின் உள்ளிட்ட 5 போ் கொண்ட கும்பல் சூா்யாவை உருட்டுக்கட்டை, கம்பியால் சரமாரியாகத் தாக்கியதாகக் கூறப்படுகிறது. இதில் பலத்த காயமடைந்த சூா்யா சம்பவ இடத்திலேயே உயிரிழந்தாா்.

இதுகுறித்து, விசாரணை நடத்திய மதுரை மாவட்ட காவல் கண்காணிப்பாளா் தேவநாதன், குற்றவாளிகளைப் பிடிக்க தனிப்படை அமைத்து உத்தரவிட்டாா். இதையடுத்து, கண்காணிப்பு கேமரா காட்சிகளின் உதவியுடன் போலீஸாா் நடத்திய விசாரணையில், கொலை சம்பவத்தில் தொடா்புடைய செக்கானூரணியைச் சோ்ந்த அஜய் (26), சத்தியமூா்த்திநகரைச் சோ்ந்த விஷ்ணு (24), அஸ்வின் (23), ஊா்மெச்சிக்குளத்தைச் சோ்ந்த செல்வகுமாா் (25), சமயநல்லூரைச் சோ்ந்த சந்துரு (20) ஆகிய

5 பேரை போலீஸாா் கைது செய்தனா். இதையடுத்து, கைது செய்யப்பட்ட 5 பேரையும் நீதிமன்றத்தில் முன்னிலைப்படுத்தி சிறையில் அடைத்தனா்.

சம்பவம் நிகழ்ந்த 12 மணி நேரத்துக்குள் கொலையில் தொடா்புடைய 5 பேரை கைது செய்த தனிப்படை போலீஸாரை மாவட்ட காவல் கண்காணிப்பாளா் தேவநாதன் பாராட்டினாா்.