FOLLOW US

ON GOOGLE DISCOVER

✕
முகப்பு
மதுரை

பொதுப் பணித் துறை கணக்கு, ஆட்சிப் பணியாளா்களி தா்னா

பல்வேறு கோரிக்கைளை வலியுறுத்தி, தமிழ்நாடு அரசு பொதுப் பணித் துறை கணக்கு, ஆட்சிப் பணியாளா் சங்கம் சாா்பில் மதுரை மண்டல நீா்வளத் துறை தலைமைப் பொறியாளா் அலுவலக வளாகத்தில் செவ்வாய்க்கிழமை தா்னா போராட்டம் நடைபெற்றது.

18 நவம்பர் 2026, 2:48 am
மதுரை மண்டல நீா்வளத் துறை தலைமைப் பொறியாளா் அலுவலக வளாகத்தில் செவ்வாய்க்கிழமை நடைபெற்ற தமிழ்நாடு அரசு பொதுப் பணித் துறை கணக்கு, ஆட்சிப் பணியாளா் சங்கத்தினரின் ஆா்ப்பாட்டத்தில் பங்கேற்றவா்கள்.
பகிர்:

பல்வேறு கோரிக்கைளை வலியுறுத்தி, தமிழ்நாடு அரசு பொதுப் பணித் துறை கணக்கு, ஆட்சிப் பணியாளா் சங்கம் சாா்பில் மதுரை மண்டல நீா்வளத் துறை தலைமைப் பொறியாளா் அலுவலக வளாகத்தில் செவ்வாய்க்கிழமை தா்னா போராட்டம் நடைபெற்றது.

உதவியாளா் நேரடி நியமனத்தை ரத்து செய்து பதவி உயா்வு மூலம் உதவியாளா் பணியிடங்களை நிரப்ப வேண்டும். அரசாணை எண் 69-ஐ ரத்து செய்து ஏற்கெனவே அமலில் இருந்த விதிகளின்படி பதவி மாற்றம் மூலம் இளநிலை வரை தொழில் அலுவலா் பதவி உயா்வு வழங்க வேண்டும். கலந்தாய்வு மூலம் பணியிட மாறுதல் வழங்க வேண்டும். பொதுப் பணித் துறை, நீா்வளத் துறை மண்டல அலுவலகங்களில் சட்ட அலுவலா்களை நியமிக்க வேண்டும் என்பன உள்ளிட்ட 9 அம்சக் கோரிக்கைகளை வலியுறுத்தி இந்தப் போராட்டம் நடைபெற்றது.

இதற்கு சங்கத்தின் மாவட்டத் தலைவா் இரா. சிவகுமாா் தலைமை வகித்தாா். மாவட்ட மகளிா் துணைக் குழு அமைப்பாளா் சி. சுபாஷினி முன்னிலை வகித்தாா். மாநிலச் செயலா் பி. முருகன் போராட்டத்தைத் தொடங்கி வைத்தாா். மாநிலத் துணைத் தலைவா் அ. சின்னப்பா செல்வராஜ் கோரிக்கைகளை விளக்கிப் பேசினாா்.

Advertisement

Advertisement

சங்கத்தின் மாநிலப் பொருளாளா் இரா.ராஜா, தமிழ்நாடு அரசு ஊழியா் சங்க மாநிலச் செயலா் க. நீதிராஜா, மாவட்டத் தலைவா் இரா. தமிழ், மாவட்டச் செயலா் க. சந்திரபோஸ் ஆகியோா் கோரிக்கைகளை வலியுறுத்திப் பேசினா்.

தமிழ்நாடு அரசு பொதுப் பணித் துறை கணக்கு, ஆட்சிப் பணியாளா் சங்க முன்னாள் மாநிலத் தலைவா் ஆ. செல்வம் நிறைவுரையாற்றினாா். மாவட்டப் பொருளாளா் பெ. அசோக் ராஜா நன்றி கூறினாா்.

பொதுப் பணித் துறை, நீா்வளத் துறையைச் சோ்ந்த பணியாளா்கள் திரளாகப் பங்கேற்று கோரிக்கைகளை வலியுறுத்தி, முழக்கங்களை எழுப்பினா்.