சூரிய ஒளி மின் தகடுகளை நிறுவிய 5 நாள்களுக்குள் இணைப்பு வழங்கப்படும்: மின் வாரிய அதிகாரி தகவல்

மின் நுகா்வோா் வீட்டின் மேல்கூரையில் சூரிய ஒளி மின் தகடுகளை நிறுவிய 5 நாள்களுக்குள் மின் வாரியத்தில் இணைப்பு வழங்கப்படும் என மின் வாரிய மேற்பாா்வைப் பொறியாளா் (பொறுப்பு) என். மோகன் தெரிவித்தாா்.

இதுகுறித்து அவா் மேலும் தெரிவித்தாவது:

சூரிய ஒளி மின் தகடு விற்பனையாளா்கள் நுகா்வோா் வீட்டின் மேற்கூரையில் மின் தகடு நிறுவுதல் பணியை முழுமையாக முடித்து இணையத்தில் பதிவேற்றம் செய்ய வேண்டும். தற்போது, நிறுவதல் பணியை முடித்த 5 நாள்களுக்குள் மின் வாரியத்திலிருந்து மீட்டா் வழங்கி இணைப்பு வழங்கப்படும். மதுரை மாவட்டத்தில் சூரிய ஒளி மின் திட்டத்தின் கீழ் 5 ஆயிரம் புதிய இணைப்புகள் வழங்க இலக்கு நிா்ணயிக்கப்பட்டுள்ளது என்றாா் அவா்.

பிரதமரின் சூரிய ஒளி மின் திட்டத்துக்கு (சேவா சேது அபியான்) மத்திய, மாநில அரசுகள் வழங்கும் மானியம் குறித்து கோ. புதூா் கற்பகம் நகா் பகுதியில் உள்ள தனியாா் மண்டபத்தில் வெள்ளிக்கிழமை விழிப்புணா்வு முகாம் நடைபெற்றது.

இந்த முகாமுக்கு மேற்பாா்வைப் பொறியாளா் (பொறுப்பு) என். மோகன் தலைமை வகித்தாா். செயற்பொறியாளா்(பொது) ஆா். சிவகுமாா், வடக்கு செயற்பொறியாளா் முத்துக்குமாா் ஆகியோா் முன்னிலை வகித்தனா்.

இதில், வீடுகளின் மேல்கூரையில் மின் தகடுகளை நிறுவுவதன் மூலம் சூரிய ஒளியில் இருந்து மின்சாரம் உற்பத்தி செய்வது, பிரதமரின் சூரிய இல்லம் திட்டத்தின் கீழ் வழங்கப்படும் அரசு மானியத்தைப் பெறும் வழிமுறைகள் நுகா்வோருக்கு விளக்கப்பட்டது.

உதவி செயற்பொறியாளா்கள் சூரிய ஒளி மின் தகடு விற்பனையாளா்கள், அரசுத் துறை வங்கி அதிகாரிகள், மின் நுகா்வோா் உள்ளிட்ட பலா் இதில் கலந்து கொண்டனா்.