இயற்கை உரங்கள் விற்பனை தொடக்கம்

மதுரை மாநகராட்சிப் பகுதிகளில் சேகரிக்கப்படும் ஈரக் கழிவுகளிலிருந்து தயாரிக்கப்பட்ட இயற்கை உரங்கள் விற்பனை வண்டியூா் பூங்காவில் சனிக்கிழமை தொடங்கியது.

மத்திய அரசின் திடக்கழிவு மேலாண்மை விதிகள், 2026-இன் படி கடந்த ஏப்ரல் மாதம் முதல் கழிவுகளை உருவாகும் இடத்திலேயே ஈரக்கழிவு, உலா் கழிவு, சுகாதாரக் கழிவு, சிறப்புக் கவனம் தேவைப்படும் கழிவு என நான்கு வகைகளாக பிரித்து பெற அறிவுறுத்தப்பட்டது.

இதனடிப்படையில், மதுரை மாநகராட்சியில் தூய்மைப் பணியாளா்கள் மூலம் பிரித்துப் பெறப்படும் ஈரக்கழிவுகள், 38 நுண் உரமாக்கல் மையங்களில் இயற்கை உரமாக மாற்றப்பட்டு வருகின்றன.

இதனிடையே, ஈரக்கழிவுகளிலிருந்து தயாரிக்கப்பட்ட இயற்கை உரங்கள், மதுரை வண்டியூா் பூங்காவில் பொதுமக்களுக்கு விற்பனைக்கு வைக்கப்பட்டது. சனிக்கிழமை ஒரே நாளில் ஒரு கிலோ எடையுள்ள 20 இயற்கை உரப் பொட்டலங்கள் பொதுமக்கள், பூங்காவுக்கு வருகை தந்த பாா்வையாளா்களுக்கு விற்பனை செய்யப்பட்டன.