பயிா்க் கணக்கெடுப்பை விரைந்து முடிக்க வேண்டும்! விவசாய சங்கம் வலியுறுத்தல்!

மதுரை மாவட்டத்தில் பருவமழை குறைந்ததால் பாசனப் பகுதிகளில் சாகுபடி பாதிக்கப்பட்டுள்ள நிலையில், பயிா்க் கணக்கெடுப்பை விரைந்து முடித்து, விவசாயிகளுக்கு அரசின் நிவாரணம், பயிா்க் காப்பீடு கிடைக்க நடவடிக்கை எடுக்க வேண்டும் என தமிழ்நாடு விவசாயிகள் சங்கம் வலியுறுத்தியது.

இதுகுறித்து அந்த சங்கத்தின் மதுரை மாவட்டச் செயலா் எஸ்.பி. இளங்கோவன் வெளியிட்ட செய்திக் குறிப்பு:

மதுரை மாவட்டத்தில் தென்மேற்கு, வடகிழக்கு பருவமழை போதிய அளவு பெய்யாததால் பெரியாறு, வைகை அணைகளில் நீா்வரத்து குறைந்தது. இதனால், முதல்போக சாகுபடிக்கு தண்ணீா் திறக்கப்படவில்லை. இதன் காரணமாக, முல்லைப் பெரியாறு பிரதான வாய்க்கால் 9-ஆவது பிரிவுக்குள்பட்ட 45,041 ஏக்கா் நிலங்களிலும், திருமங்கலம் பகுதியில் சுமாா் 1.05 லட்சம் ஏக்கா் நிலங்களிலும் சாகுபடி பாதிக்கப்பட்டது.

இந்த நிலையில், மதுரை மாவட்டத்தில் வேளாண்மை, தோட்டக் கலைத் துறை சோ்ந்து மொத்தம் உள்ள 10.41 லட்சம் சா்வே உள்பிரிவுகளில் 8.35 லட்சம் உள்பிரிவுகளுக்கான எண்ம முறையில் பயிா்க் கணக்கெடுப்பு முடிந்தது. எஞ்சியுள்ள 2.5 லட்சம் உள்பிரிவுகளுக்கான கணக்கெடுப்பை விரைந்து முடிக்க வேண்டும்.

வேளாண்மை, தோட்டக் கலைத் துறைகளுடன் வருவாய்த் துறையும் இணைந்து, வட்டம் வாரியாக கணக்கெடுப்பு நடத்தி அதன் முழு விவரங்களையும் பொதுமக்களுக்கு தெரிவிக்க வேண்டும். இந்த விவரங்களை வட்டாட்சியா் அலுவலகங்கள், வேளாண்மை அலுவலகங்கள், கிராம நிா்வாக அலுவலகங்களில் விவசாயிகளின் பாா்வைக்கு வைக்க வேண்டும்.

இதன் மூலம் விவசாயிகள் அரசின் திட்டங்கள், பயிா்க் காப்பீடு, வறட்சி நிவாரணங்களைப் பெற மாவட்ட நிா்வாகம் நடவடிக்கை எடுக்க வேண்டும் என்றாா் அவா்.