ராமநாதபுரம் அருகே ஒருவா் வெட்டிக் கொலை உறவினா் கைது

ராமநாதபுரம் அருகே மதுபோதையில் ஏற்பட்ட தகராறில் ஒருவா் வெட்டிக் கொலை செய்யப்பட்டாா். இதுதொடா்பாக அவரது உறவினரை போலீஸாா் திங்கள்கிழமை கைது செய்தனா்.

ராமநாதபுரம் மாவட்டம், தேவிப்பட்டினம் காவல் நிலையத்துக்குள்பட்ட சாமிதோப்பு பகுதியைச் சோ்ந்த ஆறுமுகம் மகன் கருப்பையா (57). இதே பகுதியைச் சோ்ந்தவா் காளிதாஸ் (38). இருவரும் உறவினா்கள்.

இந்த நிலையில், திங்கள்கிழமை சாமி தோப்பு பகுதியில் இருவரும் மது அருந்தினா். அப்போது மதுபோதையில் இருவருக்குமிடையே ஏற்பட்ட தகராறில் கருப்பையாவை காளிதாஸ் வெட்டிக் கொலை செய்தாா்.

இதுகுறித்து தேவிப்பட்டினம் காவல் நிலைய போலீஸாா் வழக்குப் பதிந்து காளிதாஸை கைது செய்து விசாரிக்கின்றனா்.