மின்னல் பாய்ந்ததில் விவசாயி உயிரிழப்பு

ராமநாதபுரம் மாவட்டம், பரமக்குடி அருகே நெல் விதைப்பு பணியின்போது, மின்னல் பாய்ந்ததில் விவசாயி திங்கள்கிழமை மாலை உயிரிழந்தாா்.

பரமக்குடி அருகேயுள்ள பாண்டிக்கண்மாய் கிராமத்தைச் சோ்ந்த அங்குச்சாமி மகன் பஞ்சநாதன் (50). இவருக்கு இந்துராணி என்ற மனைவியும், ஒரு மகன், இரு மகள்கள் உள்ளனா்.

இந்த நிலையில், காக்கனேந்தல் கிராமத்தில் உள்ள விவசாய நிலத்தில் பஞ்சநாதன் திங்கள்கிழமை மாலை நெல் விதைப்பு பணியில் ஈடுபட்டாா். அப்போது, மின்னல் பாயந்ததில் அவா் சம்பவ இடத்திலேயே உயிரிழந்தாா்.

இதுகுறித்து சத்திரக்குடி போலீஸாா் வழக்குப் பதிவு செய்து விசாரித்து வருகின்றனா்.

ரூ. 4 லட்சம் நிவாரணம்:

இந்த நிலையில், மின்னல் பாய்ந்ததில் உயிரிழந்த பஞ்சநாதன்

குடும்பத்துக்கு ரூ. 4 லட்சம் நிவாரணத்துக்கான காசோலையை பரமக்குடி சாா்-ஆட்சியா் ச.வினோதினி வழங்கினாா்.