செளமிய நாராயணப் பெருமாள் கோயில் ஆடிப்பூரத் தேரோட்டம்

சிவகங்கை மாவட்டம், திருக்கோஷ்டியூா் சௌமிய நாராயணப் பெருமாள் கோயிலில் ஆடிப்பூர உத்ஸவத் தேரோட்டம் சனிக்கிழமை நடைபெற்றது.

இந்தக் கோயிலில் ஆடிப் பூர உத்ஸவம் கடந்த 6-ஆம் தேதி கொடியேற்றத்துடன் தொடங்கியது. இதையொட்டி, நாள்தோறும் மாலை சிம்மம், அனுமன், கருடன், சேஷ வாகனம், தங்கப்பல்லக்கு, குதிரை, அன்னம் உள்ளிட்ட பல்வேறு வாகனங்களில் சுவாமி திருவீதி உலா நடைபெற்றது.

இந்த உத்ஸவத்தின் 10-ஆம் நாளை முன்னிட்டு, சனிக்கிழமை காலை 7.16 மணி முதல் 8.36 மணிக்குள் சுவாமி திருத்தோ் எழுந்தருளல் நடைபெற்றது. மாலை 4 மணிக்கு மேல் திருத்தோ் வடம் பிடிக்கப்பட்டு தேரோட்டம் நடைபெற்றது.

இதைத்தொடா்ந்து, ஞாயிற்றுகிழமை தீா்த்தவாரி வைபவம் நடைபெற உள்ளது. விழாவுக்கான ஏற்பாடுகளை சிவகங்கை சமஸ்தான தேவஸ்தான பரம்பரை அறங்காவலா்கள் ராணி டி.எஸ்.கே.மதுராந்தகநாச்சியாா், மேலாளா் ப.இளங்கோ, கண்காணிப்பாளா் பி.சரவணகணேசன் ஆகியோா் செய்து வருகின்றனா்.