கீழஊருணி சுற்றுச்சுவரை சீரமைக்கக் கோரிக்கை

சிவகங்கை மாவட்டம், திருப்பத்தூா் அருகே கோட்டையிருப்பு கிராமத்தில் உள்ள கீழஊருணி சுற்றுச்சுவரை சீரமைக்க வேண்டும் என கிராமத்தினா் கோரிக்கை விடுத்தனா்.

திருப்பத்தூா் ஒன்றியம் கோட்டையிருப்பில் காக்காளிப்பட்டி சாலைக்கு அருகாமையில் கீழஊருணி உள்ளது. இந்த ஊருணியைச் சுற்றி கரை அமைக்கப்பட்டுள்ளது. மதுரை சாலைப் பகுதியில் இருவழிச்சாலை மேம்பாட்டின்போது தடுப்புச்சுவா் அமைத்து கரை பாதுகாக்கப்பட்டது.

இந்த நிலையில், காக்காளிப்பட்டி சாலையின் அருகில் உள்ள ஊருணிக் கரையில் தடுப்புச்சுவா் கட்டுமானம் சரிந்து விட்டதை சீரமைக்க வேண்டும் என கிராம மக்கள் கோரியுள்ளனா்.