மண்டல அளவிலான கபடிப் போட்டிகள்: காரியாபட்டி ராமுசீதா பாலிடெக்னிக் முதலிடம்

ஆண்டிபட்டி பாரத் நிகேதன் பாலிடெக்னிக் கல்லூரியில் மண்டல அளவிலான கபடிப் போட்டிகள் நடைபெற்றன.

   மதுரை, தேனி, திண்டுக்கல் உள்ளிட்ட 6 மாவட்டங்களைச் சேர்ந்த 30-க்கும் மேற்பட்ட பாலிடெக்னிக் கல்லூரிகளைச் சேர்ந்த அணிகள் கலந்து கொண்டன. காலிறுதி, அரையிறுதி என பல்வேறு சுற்றுப் போட்டிகள் நடைபெற்றன.

  இறுதிப் போட்டியில், காரியாபட்டி ராமு சீதா பாலிடெக்னிக் கல்லூரி மாணவர்கள் 25-15 என்ற புள்ளிக் கணக்கில் வெற்றி பெற்று முதல் இடத்தையும், திருப்பத்தூர் விவேகானந்தா பாலிடெக்னிக் கல்லூரி இரண்டாம் இடத்தையும், மதுரை ஜிஎம்எஸ் பாலிடெக்னிக் கல்லூரி மூன்றாம் இடத்தையும் பெற்றன.   வெற்றி பெற்ற மாணவர்களுக்கு, தேனி மாவட்ட உடற்கல்வி அலுவலர் சுப்புராஜ் பரிசுகளை வழங்கிப் பாராட்டினார்.

  இந்நிகழ்ச்சியில், உடற்கல்வி ஆய்வாளர் எம். இளங்கோ, கல்லூரி முதல்வர் லட்சுமிநரசிம்மன், துணை முதல்வர் பி.வி. அருள்குமார், பாலிடெக்னிக் கல்லூரி முதல்வர் காசுமாயன், துணை முதல்வர் நடராஜன் ஆகியோர் கலந்துகொண்டனர். ஏற்பாடுகளை, கல்லூரி உடற்கல்வி இயக்குநர்கள் சிவா, கதிரேசன் மற்றும் கல்லூரி நிர்வாகத்தினர் செய்திருந்தனர்.