தேனியில் தொழிற்பயிற்சிக்கு மாணவர் சேர்க்கை: ஆக.20-இல் இரண்டாம் கட்ட கலந்தாய்வு

தேனி அரசு தொழிற் பயிற்சி நிலையத்தில் அரசு மற்றும் அரசு நிதி உதவி பெறும் தொழிற் பயிற்சி நிலையங்களில் மாணவ, மாணவிகள் சேர்க்கைக்கு 2-ஆம் கட்ட கலந்தாய்வு வரும் ஆக.20-ம் தேதி காலை 9 மணிக்கு நடைபெறுகிறது.
இது குறித்து மாவட்ட நிர்வாகம் வெளியிட்டுள்ள அறிவிப்பு: 
தேனி அரசு தொழிற் பயிற்சி நிலையத்தில், மாவட்டத்தில் உள்ள அரசு மற்றும் அரசு நிதி உதவி பெறும் தொழிற் பயிற்சி நிலையங்களில் காலியாக உள்ள இடங்களுக்கு இட ஒதுக்கீட்டின் அடிப்படையில் மாணவ, மாணவிகள் சேர்க்கைக்கு ஆக.20-ஆம் தேதி 2-ஆம் கட்ட கலந்தாய்வு நடைபெறுகிறது. இந்த கலந்தாய்வுக்கு விண்ணப்பித்தவர்கள் தவறாது கலந்து கொள்ள வேண்டும். தொழிற் பிரிவுகளில் உள்ள காலியிடங்கள் மற்றும் கலந்தாய்வு குறித்த விபரத்தை, தேனி அரசு தொழிற் பயிற்சி நிலையத்தில் நேரிலோ, அலுவலக தொலைபேசி எண்: 04546-252240, 260364 ஆகியவற்றிலோ தொடர்பு கொண்டும் தெரிந்து கொள்ளலாம் என்று அறிவிக்கப்பட்டுள்ளது.