தேனி அருகே பேருந்து மோதி  விவசாயி சாவு

தேனி அருகே செவ்வாய்க்கிழமை இரவு தள்ளுவண்டி மீது தனியார் பேருந்து மோதியதில் விவசாயி உயிரிழந்தார்.
தேனி அருகே ஜங்கால்பட்டியை சேர்ந்தவர் தர்மராஜ் (62). இவர் தனது மனைவி பழனிக்கொடியுடன் தோட்டத்தில் விளைந்த பருத்தியை சேகரித்துவிட்டு செவ்வாய்க்கிழமை இரவு தள்ளுவண்டியில் எடுத்து கொண்டு வீட்டுக்கு வந்து கொண்டிருந்தார். அப்போது பின்னால் வந்த தனியார் பேருந்து தர்மராஜ் மீது மோதியதாம். இதில் தலையில் பலத்த காயமடைந்த அவர் சம்பவ இடத்திலேயே இறந்தார். இதுகுறித்து வீரபாண்டி போலீஸார் வழக்குப் பதிந்து விசாரித்து வருகின்றனர்.