லாரி மீது பைக் மோதல்: இருவா் உயிரிழப்பு

தேனியில் லாரி மீது இரு சக்கர வாகனம் மோதியதில் இருவா் திங்கள்கிழமை உயிரிழந்தனா்.

தேனி மாவட்டம், பெரியகுளம் அருகேயுள்ள சருத்துப்பட்டியைச் சோ்ந்த காா்த்திக் (19), லட்சுமிபுரத்தைச் சோ்ந்த லோகேஷ் பிரசாத் (19), கைலாசபட்டியைச் சோ்ந்த சிவ தனுசு (19) ஆகிய மூவரும் இரு சக்கர வாகனத்தில் தேனிக்கு சென்று விட்டு, ஊருக்கு திரும்பிச் சென்றனா்.

தேனி அன்னஞ்சி விலக்கு அருகே சென்ற போது லாரி மீது இரு சக்கர வாகனம் மோதியது. இதில் காா்த்திக், லோகேஷ் பிரசாத் ஆகிய இருவரும் சம்பவ இடத்திலேயே உயிரிழந்தனா்.

பலத்த காயமடைந்த சிவ தனுசு தேனி அரசு மருத்துவக் கல்லூரி மருத்துவமனையில் அனுமதிக்கப்பட்டாா். இது குறித்து அல்லிநகரம் போலீஸாா் வழக்குப் பதிந்து விசாரித்து வருகின்றனா்.