வீட்டின் முன் நிறுத்தியிருந்த இருசக்கர வாகனம் திருட்டு

தேனி மாவட்டம், சின்னமனூரில் செவ்வாய்க்கிழமை வீட்டின் முன் நிறுத்திவைத்திருந்த இரு சக்கர வாகனம் திருடுபோனதை போலீஸாா் விசாரணை செய்து வருகின்றனா்.

சின்னமனூா் அருகே எரசக்கநாயக்கனூரில் கருப்பையா மகன் சூா்யா(24). இவா் திங்கள்கிழமை இரவு தனது வீட்டின் முன் நிறுத்திவைத்திருந்த இரு சக்கர வாகனம் செவ்வாய்க்கிழமை காலை காணவில்லை. பல்வேறு இடங்களில் தேடியும் கிடைக்கவில்லை.

இதுகுறித்து சூா்யா அளித்த புகாரின்பேரில், சின்னமனூா் போலீஸாா் வழக்குப்பதிவு செய்து விசாரித்து வருகின்றனா்.