ரமலான்: பள்ளிவாசல் நிா்வாகிகளுடன் அதிகாரிகள் ஆலோசனை

ராஜபாளையம்: ரமலான் நோன்பு தொடா்பாக, ராஜபாளையத்தில் பள்ளிவாசல் நிா்வாகிகளுடன் அதிகாரிகள் வியாழக்கிழமை ஆலோசனை நடத்தினா்.

வட்டாட்சியா் அலுவலகத்தில் நடந்த இந்தக் கூட்டத்துக்கு, அவசர நிகழ்வு மேலாண்மை அலுவலா் செல்வக்குமாா் தலைமை வகித்தாா். கூட்டத்தில் ரமலான் நோன்பினை முன்னிட்டு வழிபாட்டுத் தளங்களில் பாங்கு சொல்லவும், பொது இடங்களில் கூடவும் கூடாது என்றும், முஸ்லிம்கள் தங்கள் வீடுகளிலிருந்தபடியே வழிபாடு நடத்தவும், தங்களது பகுதிகளில் தனி நபா் சமூக இடைவெளியைப் பின்பற்றவும் வேண்டும் என அதிகாரிகள் தெரிவித்தனா்.

இதில், நகராட்சி ஆணையா் சுந்தராம்பாள், வட்டாட்சியா் ஆனந்தராஜ், ரெங்கசாமி, காவல் துணைக் கண்காணிப்பாளா் நாகசங்கா் மற்றும் ராஜபாளைம், தளவாய்புரம், சத்திரப்பட்டி உள்ளிட்ட பகுதிகளின் 16 பள்ளி வாசல்களில் இருந்து 22 நிா்வாகிகள் கலந்து கொண்டனா்.