டி.கே.எம்-13 ரக நெல் விதைகள் விற்பனைக்குத் தயார்

நாகை மாவட்டம், சிக்கல் வேளாண் அறிவியல் நிலையத்தில் டி.கே.எம்.-13 ரக நெல் விதைகள் விற்பனைக்கு வைக்கப்பட்டுள்ளது என சிக்கல் வேளாண் அறிவியல் நிலைய செய்திக் குறிப்பில் தெரிவிக்கப்பட்டுள்ளது.
இதுகுறித்து வெளியிடப்பட்ட செய்திக் குறிப்பு :
சிக்கல் வேளாண் அறிவியல் நிலையத்தில் டி.கே.எம்- 13 ரக நெல் விதைகள் விற்பனைக்குத் தயாராக வைக்கப்பட்டுள்ளன. 130 நாள்கள் வயதுடைய இந்த நெல் ரகம், பூச்சி மற்றும் நோய்த் தாக்குதலை எதிர்கொள்ளும் திறன் கொண்டது. இந்த நெல் ரகத்தை பிபிடி 5204 ரகத்துக்கு மாற்றாகப் பயன்படுத்தலாம். 30 கிலோ சிப்பம் ரூ. 1,000 என்ற விலையில் சிக்கல் வேளாண் அறிவியல் நிலையத்தில் டி.கே.எம்- 13 ரக நெல் விதைகள் விற்பனைக்கு வைக்கப்பட்டுள்ளன. 
விதை நெல் தேவைப்படுவோர் 04365 - 246266 என்ற தொலைபேசி எண்ணில் காலை 10 மணி முதல் மாலை 4.30 மணி வரை தொடர்பு கொள்ளலாம் என அந்தச் செய்திக் குறிப்பில் தெரிவிக்கப்பட்டுள்ளது.