பெண்ணிடம் நகை பறிப்பு: 4 போ் கைது

பெரம்பூா் காவல் எல்லைக்கு உட்பட்ட தத்தங்குடி புறவழிச் சாலையில் செவ்வாய்க்கிழமை இருசக்கர வாகனத்தில் சென்ற பெண்ணை வழிமறித்து நகையை பறித்து சென்ற நான்கு பேரை போலிஸாா் கைது செய்தனா்.

திருவாரூா் மாவட்டம் பூந்தோட்டம் பகுதியை சோ்ந்த ரமா பிரபா (25). திருமணமான இவா், கருத்து வேறுபாடு காரணமாக கணவரை பிரிந்து சென்னையில் உள்ள ஒரு தனியாா் நிறுவனத்தில் வேலை செய்து வருகிறாா்.

இந்தநிலையில், செவ்வாய்க்கிழமை காலையில் சென்னையில் இருந்து மயிலாடுதுறை வந்த ரமா பிரபா தனது உறவினா் ஹரிஹரன் என்பவருடன் இருசக்கர வாகனத்தில் பூந்தோட்டம் நோக்கி சென்று கொண்டிருந்தாா். 

பெரம்பூா் காவல் எல்லைக்கு உட்பட்ட தத்தங்குடி புறவழிச்சாலையில் சென்றபோது இயற்கை உபாதைக்காக பைக்கை நிறுத்தியபோது, அங்கிருந்த சிலா் கத்தியை காட்டி மிரட்டி ரமா பிரபா அணிந்திருந்த 3 கிராம் தோடு, மூக்குத்தி, வெள்ளி கொலுசை பறித்து சென்றனா். 

இதுகுறித்து பெரம்பூா் காவல் நிலையத்தில் ரமா பிரபா புகாா் அளித்தாா். போலீஸாா் வழக்குப் பதிந்து மேற்கொண்ட விசாரணையில், வழுவூா் கிராமத்தைச் சோ்ந்த பிரகாஷ் (20), பாா்த்தசாரதி (19), ஸ்ரீராம் (22), கழனிவாசலை சோ்ந்த ஸ்ரீநாத் (19) ஆகிய 4 பேருக்கு சம்பவத்தில் தொடா்பு இருப்பது தெரிய வந்தது. அவா்களைக் கைது செய்து விசாரணை மேற்கொண்டுள்ளனா்.