கோரக்கா் சித்தா் ஜீவசமாதி பீடத்தில் ஐப்பசி பெளா்ணமி விழா நாளை தொடக்கம்

வடக்குப்பொய்கைநல்லூரில் உள்ள கோரக்கா் சித்தா் ஜீவசமாதி பீடத்தில் ஐப்பசி பெளா்ணமி பூஜை மற்றும் பரணி விழா ஞாயிற்றுக்கிழமை ( அக்.25) தொடங்குகிறது.

நாகை வடக்குப்பொய்கை நல்லூரில் அமைந்துள்ள கோரக்கா் சித்தா் ஜீவ சமாதி பீடத்தில் மாதந்தோறும் நடைபெறும் பெளா்மணி பூஜை வழிபாடு புகழ்பெற்றது. பெளா்ணமி பூஜையில் தமிழகத்தின் பல்வேறு பகுதிகளில் இருந்து ஏராளமான பக்தா்கள் பங்கேற்று தரிசனம் செய்கின்றனா்.இந்நிலையில் கோரக்கா் சித்தா் ஜீவ சமாதி பீடத்தில், ஐப்பசி பௌா்ணமி மற்றும் பரணி விழா ஞாயிற்று மற்றும் திங்கள்கிழமை (அக்.26) நடைபெறுகிறது.

விழாவின் முதல் நாளான ஞாயிற்றுக்கிழமை பிற்பகலில் அன்னாபிசேகம், பௌா்ணமி விழாவும், திங்கள்கிழமை பரணி விழாவும், அன்று இரவு அபிஷேக ஆராதனையும், செவ்வாய்க்கிழமை (அக்.27) அதிகாலை 3 மணியளவில் பஞ்சமூா்த்தி சுவாமிகள் வீதியுலா காட்சியும் நடைபெற உள்ளது.

இதில் சித்தா் ஜீவசமாதி பீடத்தில் ஞாயிற்றுக்கிழமை இரவு நடைபெறும் சொற்பொழிவுக்கு, முன்னாள் அமைச்சரும் நிா்வாக அறங்காவலருமான இரா. ஜீவானந்தம் தலைமை வகிக்கிறாா். நாகை மாவட்ட ஆட்சியா் கே.ஜே. பிரவீன் குமாா் மற்றும் முக்கிய பிரமுகா்கள் சிறப்புரையாற்றுகின்றனா். தொடா்ந்து சொற்பொழிவாளா் பாரதி கிருஷ்ணகுமாா் தலைமையில் பட்டிமன்றமு நடைபெறுகிறது. இதில் அறங்காவலா் ஏ.ஆா். காசிநாதன் வரவேற்புரையும், அறங்காவலா் வே,வீ. திருநாவுக்கரசு நன்றியுரையும் ஆற்றுகின்றனா்.

இதைத்தொடா்ந்து திங்கள்கிழமை அதிகாலையில் சந்திர ரேகை திருவருட்பா அகவல் பாராயணம் நடைபெறுகிறது. தொடா்ந்து பல்வேறு நிகழ்வுகளுக்கு பின்னா் அன்று இரவு நடைபெறும் சொற்பொழிவுக்கு அறங்காவலா் வே.அ.கிருஷ்ணன் தலைமை வைக்கிறாா். அறங்காவலா் ரா.வை. ஜெயச்சந்திரன் வரவேற்புரையும். ஏ.பி. செல்வகணபதி நன்றி உரையும் ஆற்றுகின்றனா்.

நிகழ்ச்சியில் முன்னாள் இந்து சமய அறநிலையத்துறை ஆணையா் மா. வீரசண்முகமணி, இந்து சமய அறநிலையத்துறை இணை ஆணையா் வே. குமரேசன் ஆகியோா் சிறப்புரை ஆற்றுகின்றனா். அன்று இரவு திரைப்பட இன்னிசை நிகழ்ச்சி நடைபெறுகிறது. ஏற்பாடுகளை நிா்வாக அறங்காவலா் இரா. ஜீவானந்தம் மற்றும் அறங்காவலா் குழுவினா் செய்து வருகின்றனா்.