சிறுமிக்கு பாலியல் தொல்லை; முதியவர் கைது

மன்னார்குடி அருகே 8 வயது சிறுமிக்கு பாலியல் தொல்லை கொடுத்த 75 வயது முதியவர் சனிக்கிழமை கைது செய்யப்பட்டார்.
 வடுவூர் வடபாதி பெரியார்நகர், ஏரிக்கரைப் பகுதியைச் சேர்ந்தவர் ரா.சின்னப்பன் (75). இவர், அதே பகுதியைச் சேர்ந்த 3-ஆம் வகுப்பு படித்து வரும் சிறுமியை அருகில் உள்ள வயல் பகுதிக்கு சனிக்கிழமை மாலை அழைத்துச் சென்று, பாலியல் தொல்லை கொடுத்தாராம்.
இதுகுறித்து, வடுவூர் காவல் நிலையத்தில் சிறுமியின் பெற்றோர் புகார் அளித்தனர். அதன்பேரில், போலீஸார் வழக்குப்பதிந்து, சின்னப்பனை
கைது செய்தனர்.