முச்சந்தியம்மன் கோயில் பெருவிழா

திருவாரூர் மாவட்டம், நீடாமங்கலம் அண்ணாசிலை அருகே உள்ள முச்சந்தியம்மன் கோயில் பெருவிழா ஞாயிற்றுக்கிழமை நடைபெற்றது.
இதை முன்னிட்டு பக்தர்கள் சக்தி கரகம், பால்குடம் எடுத்து வந்தனர். அம்மனுக்கு சிறப்பு அபிஷேக ஆராதனைகளும், கஞ்சிவார்த்தலும் நடைபெற்றது. இரவு அம்பாளுக்கு மகா தீபாராதனை காட்டப்பட்டது. இதைத்தொடர்ந்து, நாகசுர மற்றும் கிராமிய இன்னிசை நிகழ்ச்சிகள் நடைபெற்றன. விழாவில், திரளான பக்தர்கள் கலந்துகொண்டனர்.
இதற்கான ஏற்பாடுகளை விழாக்குழுவினர், வர்த்தகர்கள் மற்றும் அப்பகுதி மக்கள் மேற்கொண்டனர்.
நீடாமங்கலம் போலீஸார் பாதுகாப்புப் பணியில் ஈடுபட்டனர்.