ஸ்ரீராம் லீலா கமிட்டியிலிருந்து காங்கிரஸ் தலைவர் விலகல்

தில்லி ராம்லீலா மைதானத்தில் தசரா கொண்டாட்டங்களுக்கு ஏற்பாடு செய்யும் ஸ்ரீராம் லீலா கமிட்டியில் இருந்து காங்கிரஸ் மூத்த தலைவர் ஜே.பி.அகர்வால் விலகியுள்ளார்.

இதுதொடர்பாக அக்கமிட்டி வட்டாரங்கள் கூறியதாவது:

இந்த ஆண்டு தசரா நிகழ்ச்சிக்கு, பிரதமர் மோடியை அழைக்க கமிட்டி உறுப்பினர்கள் முடிவு செய்துள்ளனர். ஆனால், மோடிக்கு அழைப்பு விடுக்க, அகர்வால் எதிர்ப்பு தெரிவித்தார்.

காங்கிரஸ் தலைவர்களுக்கு மட்டுமே அழைப்பு விடுக்க அவர் விரும்பினார். ஆனால், அவரது கோரிக்கையை உறுப்பினர்கள் ஏற்காததால், கமிட்டியில் இருந்து அவர் விலகிவிட்டார் என்று அந்த வட்டாரங்கள் தெரிவித்தன.