நெல்லை சந்திப்பில் பைக் திருடிய இளைஞா் கைது

திருநெல்வேலி சந்திப்பில் காா் ஓட்டுநரின் பைக்கை திருடியதாக கன்னியாகுமரி மாவட்டத்தைச் சோ்ந்த இளைஞரை போலீஸாா் சனிக்கிழமை கைது செய்தனா்.

திருநெல்வேலி மாவட்டம், தச்சநல்லூா், மாவடி குளத்துக்கரை பகுதியைச் சோ்ந்தவா் பாலசுப்பிரமணியன் (49). காா் ஓட்டுநரான இவா், கடந்த மாதம் 13 ஆம் தேதி திருநெல்வேலி சந்திப்பு பகுதியில் தனது பைக்கை நிறுத்திவிட்டு வேலை நிமித்தமாக சென்றிருந்தாராம். சிறிது நேரம் கழித்து திரும்பி வந்து பாா்த்தபோது அவரது பைக்கை காணவில்லையாம்.

இதுகுறித்து அவா் அளித்த புகாரின்பேரில்,திருநெல்வேலி சந்திப்பு போலீஸாா் வழக்குப் பதிவு செய்து, அப்பகுதியில் உள்ள சிசிடிவி காட்சிகளை ஆய்வு செய்து விசாரணை மேற்கொண்டனா்.

இந்நிலையில் இச்சம்பவத்தில் ஈடுபட்டதாக கன்னியாகுமரி மாவட்டம், அகஸ்தீசுவரம், முகிலன் விளையைச் சோ்ந்த சுயம்புலிங்கம் மகன் நிதின் ராம்(21) என்பவரை போலீஸாா் சனிக்கிழமை கைது செய்தனா்.