இடைத்தோ்தலில் மாற்றம் வர வேண்டும்! - நயினாா் நாகேந்திரன்

தமிழகத்தில் நடைபெறவுள்ள இடைத்தோ்தலில் மாற்றம் வர வேண்டும் என்றாா் பாஜக மாநில தலைவா் நயினாா் நாகேந்திரன்.

பிரதமா் நரேந்திர மோடி பிறந்த நாளையொட்டி, பாளையங்கோட்டை பெருமாள்புரம் மாநகராட்சி பள்ளியில் உள்ள அங்கன்வாடியில் குழந்தைகளுக்கு நோட்டுப் புத்தகம், பேனா, பென்சில் போன்றவை பாஜக சாா்பில் வழங்கப்பட்டது. இதில் கலந்துகொண்ட நயினாா் நாகேந்திரன், பின்னா் செய்தியாளா்களிடம் கூறியதாவது: சட்டப்பேரவை இடைத்தோ்தலில் அதிகமான பணம் செலவழிக்கும் சூழல் உருவாகியுள்ளது.

வரும் 26, 27 ஆகிய தேதிகளில் முறையே மதுராந்தகம், தாராபுரம் தொகுதிகளில் பிரசாரம் மேற்கொள்கிறேன். இடைத்தோ்தலில் மாற்றம் வர வேண்டும். இல்லையென்றால் தமிழக மக்கள் நடிகா், நடிகைகள் பின்னால் சென்றாா்கள் என்ற அவப்பெயருக்கு ஆளாகும் நிலை உருவாகும்.

தமிழக சட்டப்பேரவை மோசமான சூழலுக்கு சென்று விட்டது. பால் விலை உயா்ந்துவிட்டது. கூட்டுறவு வங்கிகளில் கடன் கொடுப்பது நிறுத்தப்பட்டுவிட்டது. மின்சார தட்டுப்பாடு நிலவி வருகிறது. பல்வேறு பிரச்னைகள் தொடா்ந்து நடந்து வருகின்றன. தட்டுப்பாடு இல்லாமல் கஞ்சா விற்பனை நடைபெற்று வருகிறது.

மதசாா்பற்ற கட்சி, மதசாா்பற்ற ஆட்சி என தவெக சொல்லி வருகிறது. ஆனால், சட்டப்பேரவைத் தலைவா்முதல் முதல்வா் வரை அனைவரும் ஒருதலைப்பட்சமாக பேசி வருகின்றனா்.

பட்டினப்பாக்கத்தில் உள்ள இடத்தின் அளவு தெரியாமலே ரூ.1,200 கோடி ஒதுக்கி உள்ளனா்.

மத்தியில் மூன்றாவது அணி அமைக்கப் போவதாக சொல்லும் கட்சியின் இன்றைய நிலைமையையும், அப்போது இருந்த நிலைமையையும் ஒப்பிட்டுப் பாா்க்க வேண்டும். திமுக இப்போது இருக்கிா இல்லையா என்பதே தெரியவில்லை என்றாா்.

‘சி.எம். 2031’ என்ற நம்பா் பிளேட் கொண்ட காரில் திருமாவளவன் வந்தது பேசுபொருளாகி உள்ளது; நீங்கள் அதை எப்படி பாா்க்கிறீா்கள் என செய்தியாளா்கள் கேட்ட கேள்விக்கு, ‘அந்தக் காரில் உள்ளதை நம்பா் பிளேட்டாக மட்டுமே பாா்க்கிறேன்’ என்றாா்.