திருவிதாங்கோடு முஸ்லிம் கல்லூரியில் மலர் வெளியீடு

திருவிதாங்கோடு முஸ்லிம் கலைக் கல்லூரி இஸ்லாமிய ஆய்வு மையம் சார்பில் பெருநாள் சந்திப்பு நிகழ்வும், அத்தாளக்கொட்டு பெருநாள் மலர் வெளியீட்டு விழாவும் திங்கள்கிழமை நடைபெற்றது.

விழாவுக்கு, கல்லூரித் தாளாளர் எச்.முஹம்மது அலி தலைமை வகித்தார். முஸ்லிம் கல்விச் சங்கத் தலைவர் செய்யதுமுஹம்மது முன்னிலை வகித்தார். பேராசிரியர் அஸீம் வரவேற்றார்.

கல்லூரி முதல்வர் எஸ்.டாண் தர்மராய், இயக்குநர் என்.ஞானதாஸ் ஆகியோர் வாழ்த்திப் பேசினர்.

இஸ்லாமிய இலக்கியக் கழகப் பொதுச் செயலரும், பேராசிரியருமான அப்துல் சமது சிறப்பு விருந்தினராகக் கலந்துகொண்டு பேசினார்.

அத்தாளக்கொட்டு என்னும் மலரை கல்லூரித் தாளாளர் முஹம்மது அலி வெளியிட தொழிலதிபர் எஸ்.மலுக்குமுகம்மது, முன்னாள் மாணவர் ஏ.மாலிக் முஹம்மது ஆகியோர் பெற்றுக்கொண்டனர்.

மலர் குறித்து பேராசிரியர் முஹம்மது அஸ்கர் பேசினார். இஸ்லாமிய ஆய்வு மைய ஒருங்கிணைப்பாளர் ஹாமீம் முஸ்தபா தொகுத்து வழங்கினார்.