மீனச்சல் கிருஷ்ணசுவாமி கோயில் விழா இன்று தொடக்கம்

களியக்காவிளை அருகேயுள்ள மீனச்சல் ஸ்ரீ கிருஷ்ண சுவாமி கோயில் திருவிழா வெள்ளிக்கிழமை (டிச. 9) தொடங்கி 5 நாள்கள் நடைபெறுகிறது.
விழா நாள்களில் நாள்தோறும் காலையில் கணபதி ஹோமம், சிறப்பு பூஜை, தீபாராதனை, கலசாபிஷேகம், மதிய பூஜை, அன்னதானம் நடைபெறும். மாலையில் பகவதி சேவை, பஞ்சாரசுத்தி, லலிதா சகஸ்ரநாமம், அத்தாழபூஜை ஆகியன நடைபெறுகின்றன.
இரண்டாம் நாள் விழாவில் காலையில் மிருத்யுஞ்சய யாகம், மாலையில் பஜனை நடைபெறுகிறது. 3ஆம் நாள் விழாவில் காலையில் சுகிர்த ஹோமம், மாலையில் ஓட்டன்துள்ளல், சமய வகுப்பு மாணவர்களின் கலை நிகழ்ச்சிகள் நடைபெறுகின்றன. 5ஆம் நாள் விழாவில் காலையில் நவகம், சிறப்பு பூஜைகள், மாலையில் பஜனை, இரவு கலை நிகழ்ச்சிகள் உள்ளிட்டவை நடைபெறுகின்றன.