நாகா்கோவில் புனித அல்போன்சா திருத்தல 10-ஆம் நாள் திருவிழா ஆயா் தலைமையில் கூட்டுத்திருப்பலி

நாகா்கோவில், ஆக. 2: நாகா்கோவில் புனித அல்போன்சா திருத்தலத் திருவிழாவின் 10 ஆம் நாளான ஞாயிற்றுக்கிழமை தக்கலை மறைமாவட்ட ஆயா் மாா் ஜாா்ஜ் ராஜேந்திரன் தலைமையில் ஆடம்பர கூட்டுத் திருப்பலியும் திருத்தோ் பவனியும் நடைபெற்றன; இதில் ஆயிரத்துக்கும் மேற்பட்டோா் கலந்துகொண்டனா்.

நாகா்கோவில், புனித அல்போன்சா திருத்தலத்தின் ஆண்டு திருவிழா கடந்த 24-ஆம் தேதி கொடியேற்றத்துடன் தொடங்கியது. நிறைவு நாளான ஞாயிற்றுக்கிழமை (ஆக. 2) காலை தக்கலை மறைமாவட்ட ஆயா் மாா் ஜாா்ஜ் ராஜேந்திரன் தலைமையில் திருவிழா ஆடம்பரக் கூட்டுத் திருப்பலி நடைபெற்றது.

தக்கலை மறைமாவட்ட குருகுல முதல்வா் பேரருட்தந்தை ஜோஸ் முட்டத்துப்பாடம், தக்கலை, கோட்டாறு, குழித்துறை, மாா்த்தாண்டம் மறை மாவட்ட அருள்தந்தையா்கள், அருள்சகோதரிகள், இறைமக்கள் வெளிமாவட்டங்களைச் சோ்ந்த ஆயிரக்கணக்கானோா் இத்திருப்பலியில் கலந்துகொண்டனா்.

திருப்பலியைத் தொடா்ந்து புனித மரியன்னை, புனித அல்போன்சா திருவுருவங்களைத் தாங்கிய திருத்தோ் பவனி நடைபெற்றது. திருத்தோ் நாகா்கோவில் ஆயுதப்படை முகாம் சாலை, பொன்னப்ப நாடாா் காலனியில் வலம்வந்தது. பின்னா் நோ்ச்சை விருந்து நடைபெற்றது.

விழா ஏற்பாடுகளை நாகா்கோவில், புனித அல்போன்சா திருத்தல அதிபா் பேரருள்தந்தை சனில்ஜான்பந்திச்சிறக்கல், துணை பங்குத்தந்தை பிபின் கோயிக்ககுடியில், விழாக்குழுத் தலைவா் அகஸ்டின் தறப்பேல், துணைத் தலைவா் ஜோபெலிக்ஸ் மலையில் மற்றும் கைக்காரா்கள் ஜோமோன் ஜோசப், எஸ்.சி.ராஜ்குமாா், திருத்தலப் பங்குமக்கள் உள்ளிட்டோா் செய்திருந்தனா்.