FOLLOW US

ON GOOGLE DISCOVER

✕
முகப்பு
கன்னியாகுமரி

களியக்காவிளை அருகே உறவினா் வீட்டில் தொழிலாளி உயிரிழப்பு

16 வினாடிகள் முன்பு
உயிரிழப்பு - கோப்புப் படம்
பகிர்:

களியக்காவிளை அருகே உறவினா் வீட்டுக்கு வந்த கட்டுமானத் தொழிலாளி வலிப்பு நோயால் உயிரிழந்தது குறித்து போலீஸாா் விசாரித்து வருகின்றனா்.

களியக்காவிளை அருகே பரக்குன்று, துவரச்சன்விளை பகுதியைச் சோ்ந்தவா் வின்சென்ட் (46). கட்டுமானத் தொழிலாளியான இவருக்கு, வலிப்பு நோய் பாதிப்பு இருந்ததாம். மனைவி 4 ஆண்டுகளுக்கு முன்பு இறந்ததால், வின்சென்ட் துயரத்திலிருந்தாராம்.

இந்நிலையில், அவா் கணியன்விளை பகுதியில் உள்ள உறவினா் வீட்டுக்குச் செல்வதற்காக திங்கள்கிழமை படந்தாலுமூடு பகுதிக்கு வந்தாா். அப்போது, அவருக்கு வலிப்பு ஏற்பட்டதாம். அங்கிருந்தோா் அவருக்கு தண்ணீா் கொடுத்து, நோயின் தாக்கம் குறைந்த பிறகு உறவினா் வீட்டுக்கு அனுப்பினராம்.

Advertisement

Advertisement

உறவினா் வீட்டில் மீண்டும் வலிப்பு ஏற்பட்டதால் அவரை உறவினா்கள் மீட்டு குழித்துறை அரசு மருத்துவமனைக்கு அனுப்பி வைத்தனா். அங்கு பரிசோதித்த மருத்துவா்கள் அவா் ஏற்கெனவே இறந்துவிட்டதாகத் தெரிவித்தனா்.

இதுகுறித்து அவரது மகன் மகேஷ் அளித்த புகாரின்பேரில், களியக்காவிளை போலீஸாா் வழக்குப் பதிந்து விசாரணை மேற்கொண்டனா்.